16 ವರ್ಷ ಪೂರೈಸಿದ ಕಲಾಸಿಪಾಳ್ಯ; ಡಿ ಫ್ಯಾನ್ಸ್​ ಸಂಭ್ರಮಾಚರಣೆ

ಸ್ಯಾಂಡಲ್​ವುಡ್​ ಚಾಲೆಂಜಿಂಗ್​ ಸ್ಟಾರ್ ಅಭಿಮಾನಿಗಳಿಗೆ ಇಂದು ಸಂಭ್ರಮವೋ ಸಂಭ್ರಮ. ಯಾಕಂದ್ರೆ ಡಿ ಬಾಸ್ ಅಭಿನಯದ ಸಿನಿಮಾವೊಂದು 16 ವರ್ಷಗಳನ್ನ ಪೂರೈಸಿದೆ. ಕೈಯ್ಯಲ್ಲಿ ಲಾಂಗ್​ ಹಿಡಿದು, ಮಾಸ್​ ಪ್ರೇಕ್ಷಕರನ್ನ ರಂಜಿಸಿ, ಬಾಕ್ಸಾಫೀಸ್ ಧೂಳೆಬ್ಬಿಸಿದರು ಚಾಲೆಂಜಿಂಗ್​ ಸ್ಟಾರ್.

ಮೆಜೆಸ್ಟಿಕ್​ ಸಿನಿಮಾ ಮೂಲಕ ನಾಯಕನಟನಾಗಿ ಎಂಟ್ರಿ ಕೊಟ್ಟ ಚಾಲೆಂಜಿಂಗ್​ ಸ್ಟಾರ್. ಎಂಟ್ರಿ ಕೊಡ್ತಾನೇ ಕೈಯಲ್ಲಿ ಲಾಂಗ್​ ಹಿಡಿದು, ಮಾಸ್​ಪ್ರೇಕ್ಷಕರ ಗಮನ ಸೆಳೆದಿದರು. ಅಲ್ಲಿಂದ ಬ್ಯಾಕ್​ ಟು ಬ್ಯಾಕ್ ಕರಿಯ, ದಾಸ ಸಿನಿಮಾಗಳಲ್ಲೂ ದಚ್ಚು ಲಾಂಗ್​ ಹಿಡಿದು ಗಾಂಧೀನಗ್ರದಲ್ಲಿ ಧೂಳೆಬ್ಬಿಸಿದರು. ಅಷ್ಟು ಹೊತ್ತಿಗಾಗಲೇ ಮಾಸ್ ಹೀರೋ ಅನ್ನಿಸಿಕೊಂಡಿದ್ದ ದಚ್ಚು ಮತ್ತೊಮ್ಮೆ ಕಲಾಸಿಪಾಳ್ಯದಲ್ಲಿ ಲಾಂಗ್ ಹಿಡಿದು ಅಬ್ಬರಿಸಿದರು. ಈ ಸಿನಿಮಾ ಸೂಪರ್​ ಡೂಪರ್​ ಹಿಟ್ ಆಗಿತ್ತು. ಇಂದು ಕಲಾಸಿಪಾಳ್ಯ ಚಿತ್ರ 16 ವರ್ಷಗಳನ್ನ ಪೂರೈಸಿದ ಸಂಭ್ರಮದಲ್ಲಿದೆ.

ಕಲಾಸಿಪಾಳ್ಯ, ಬೆಂಗಳೂರಿನ ಬ್ಯುಸಿಯೆಸ್ಟ್ ಏರಿಯಾ. ಚಿತ್ರದ ಟೈಟಲ್​ ಕೇಳಿಯೇ ಥ್ರಿಲ್​ ಆಗಿದ್ದ ಸಿನಿಪ್ರಿಯರು, ಚಿತ್ರ ರಿಲೀಸ್​ ಆಗುತ್ತಿದ್ದ ಹಾಗೇ ಥಿಯೇಟರ್​ಗಳಲ್ಲಿ ಮುಗಿಬಿದ್ದು ಸಿನಿಮಾ ನೋಡಿದರು. ಶತದಿನೋತ್ಸವ ಪೂರೈಸಿ ಸಿನಿಮಾ ಮುನ್ನುಗಿತ್ತು..ಕಾಲೇಜು ಹುಡುಗರು, ಮಾಸ್ ಆಡಿಯನ್ಸ್​ಗೆ ಸಿನಿಮಾ ಇಷ್ಟವಾಗಿತ್ತು. ಅದರಲ್ಲೂ ಸುಂಟರಗಾಳಿ ಹಾಡು ಎಲ್ಲರನ್ನ ಹುಚ್ಚೆದ್ದು ಕುಣಿಯುವಂತೆ ಮಾಡಿತ್ತು.

ಸುಂಟರಗಾಳಿ ಸಾಂಗ್​ ಮಾತ್ರವಲ್ದೆ ಸಾಧುಕೋಕಿಲ ಮತ್ತು ವೆಂಕಟ್ ನಾರಾಯಣ್​ ಸಂಗೀತ ನಿರ್ದೇಶನದಲ್ಲಿ ಪೇಟೆ ಪೇಟೆರಾ,ಧೂಳ್​ ಮಗಾ ಧೂಳ್,ಕೆಂಚ ಓ ಕೆಂಚ ಹೀಗೆ ಚಿತ್ರದ ಫುಲ್​ ಆಲ್ಬಂ ಹಿಟ್ ಲಿಸ್ಟ್ ಸೇರಿತ್ತು.

ಇನ್ನು ಚಿತ್ರದಲ್ಲಿ ದಚ್ಚು-ರಕ್ಷಿತಾ ಲವ್​ ಸ್ಟೋರಿ, ಆ್ಯಕ್ಷನ್​ ಸೀಕ್ವೆನ್ಸ್​ಗಳ ಜೊತೆಗೆ ಹೈಲೈಟ್ ಆಗಿದ್ದು ಸಾಧುಕೋಕಿಲ-ಬುಲೆಟ್ ಪ್ರಕಾಶ್​ ಕಾಮಿಡಿ.

ಕಂಪ್ಲೀಟ್ ಪ್ಯಾಕೇಜ್​ ಕಲಾಸಿಪಾಳ್ಯ ಚಿತ್ರದಲ್ಲಿ ದರ್ಶನ್​ಗೆ ನಾಯಕಿಯಾಗಿ ಫಸ್ಟ್ ಟೈಮ್​ ಕ್ರೇಜಿ ಕ್ವೀನ್​ ರಕ್ಷಿತಾ ಹೆಜ್ಜೆ ಹಾಕಿದರು. ಕಲಾಸಿಪಾಳ್ಯ ಸೂಪರ್​ ಹಿಟ್ ಆಗುತ್ತಿದ್ದ ಹಾಗೇ ಸ್ಯಾಂಡಲ್​ವುಡ್​ ಹಿಟ್ ಪೇರ್​​ಗಳ ಲಿಸ್ಟ್​​ಗೆ ಈ ಜೋಡಿ ಸೇರಿಕೊಳ್ತು. ಬ್ಯಾಕ್​ ಟು ಬ್ಯಾಕ್​ ಇವರಿಬ್ಬರ ಕಾಂಬಿನೇಷನ್​ನಲ್ಲಿ ಅಯ್ಯ, ಮಂಡ್ಯ, ಸುಂಟರಗಾಳಿ ಸಿನಿಮಾಗಳು ತೆರೆಕಂಡ್ವು.

ಅದ್ದೂರಿ ನಿರ್ಮಾಪಕ ರಾಮು ನಿರ್ಮಾಣದಲ್ಲಿ, ಆ್ಯಕ್ಷನ್​ ಸಿನಿಮಾಗಳ ಸಾರಥೀ ಓಂ ಪ್ರಕಾಶ್​ ರಾವ್​ ಕಲಾಸಿಪಾಳ್ಯಕ್ಕೆ ಆ್ಯಕ್ಷನ್​ ಕಟ್ ಹೇಳಿದರು. ಕೆ.ವಿ ರಾಜು ಮಾಸ್​ ಡೈಲಾಗ್ಸ್​ ಕೂಡ ಚಿತ್ರದ ಪ್ಲಸ್ ಪಾಯಿಂಟ್ ಆಗಿತ್ತು. 2004ರಲ್ಲಿ ತೆರೆಕಂಡ ಕಲಾಸಿಪಾಳ್ಯ ರಿಲೀಸ್​ ಆಗಿ ಇಂದಿಗೆ 16 ವರ್ಷಗಳು. ಹಾಗಾಗಿ ಡಿ ಫ್ಯಾನ್ಸ್​ ಈ ಸಂಭ್ರಮವನ್ನ ಸೋಶಿಯಲ್​ ಮೀಡಿಯಾ ಮೂಲಕ ಸೆಲೆಬ್ರೇಟ್ ಮಾಡುತ್ತಿದ್ದಾರೆ.