ಡಿಯೋಗ್ ಮರಡೋನಾ ನಿಧನಕ್ಕೆ ಮತ್ತೊಬ್ಬ ಶ್ರೇಷ್ಠ ಆಟಗಾರರ ಪೀಲೆ ಸಂತಾಪ

ಸಾವೊ ಪೌಲೊ: ಖ್ಯಾತ ಫುಟ್​ಬಾಲ್ ಆಟಗಾರ ಡಿಯೋಗ್ ಮರಡೋನಾ ಅವರು (60) ಹೃದಯಾಘತದಿಂದ ನಿಧನರಾಗಿದ್ದಕ್ಕೆ ಪುಟ್​ಬಾಲ್​ ಲೋಕದ ಮತ್ತೊಬ್ಬ ಲೆಜೆಂಡರಿ ಪ್ಲೇಯರ್​ ಪೀಲೆ ಅವರು ಸಂತಾಪ ಸೂಚಿಸಿದ್ದಾರೆ.

ತಮ್ಮ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಬರೆದುಕೊಂಡಿರುವ ಅವರು, ಇದೊಂದು ದುಃಖದ ಸಂಗತಿ, ನಾನು ಒಬ್ಬ ಉತ್ತಮ ಗೆಳೆಯನನ್ನು ಕಳೆದುಕೊಂಡರೆ ಜಗತ್ತು ಶ್ರೇಷ್ಠ ಫುಟ್ ಬಾಲ್ ಆಟಗಾರನನ್ನು ಕಳೆದುಕೊಂಡಿದೆ. ಮರಡೋನಾ ಬಗ್ಗೆ ಹೇಳಲು ಸಾಕಷ್ಟಿದೆ. ಈ ಸಮಯದಲ್ಲಿ ಅವರ ಕುಟುಂಬದವರಿಗೆ ದುಃಖ ಭರಿಸುವ ಶಕ್ತಿಯನ್ನು ದೇವರು ನೀಡಲಿ ಎಂದಷ್ಟೇ ಹೇಳುತ್ತೇನೆ. ಒಂದು ದಿನ ನಾನು-ನೀನು ಆಕಾಶದಲ್ಲಿ ಜೊತೆಯಾಗಿ ಫುಟ್​ಬಾಲ್ ಆಡಬಹುದು ಎಂದು ಭಾವಿಸುತ್ತೇನೆ ಎಂದು ತಮ್ಮ ಗೆಳೆಯನಿಗೆ ಸಂತಾಪ ಸೂಚಿಸಿದ್ದಾರೆ.

Que notícia triste. Eu perdi um grande amigo e o mundo perdeu uma lenda. Ainda há muito a ser dito, mas por agora, que Deus dê força para os familiares. Um dia, eu espero que possamos jogar bola juntos no céu. pic.twitter.com/6Li76HTikA

— Pelé (@Pele) November 25, 2020

ಪುಟ್​ಬಾಲ್​ ಜಗತ್ತಿನಲ್ಲಿ ಪೀಲೆ ಮತ್ತು ಡಿಯೋಗ್ ಮರಡೋನಾ ಅಚ್ಚುಮೆಚ್ಚಿನವರು ಆಟಗಾರರು. ಶ್ರೇಷ್ಠ ಆಟಗಾರರು, ಈ ಇಬ್ಬರು ಪ್ಲೇಯರ್ಸ್​ಗಳು ಪರಸ್ಪರ ಅಪಾರ ಗೌರವದಿಂದ ಕಾಣುತ್ತಿದ್ದರು. ಈ ಇಬ್ಬರು ಆಟಗಾರರು ಹಲವು ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿ ಫುಟ್​ಬಾಲ್ ಪ್ರೇಮಿಗಳಿಗೆ ರೊಮಾಂಚನಕಾರಿ ಅನುಭವವನ್ನು ಕೊಡುಗೆಯಾಗಿ ನೀಡಿದ್ದಾರೆ.