ಮಾಸ್ಟರ್​ ಬ್ಲಾಸ್ಟರ್​ ಸಚಿನ್​ ತೆಂಡೂಲ್ಕರ್ ಹಿಂದಿಕ್ಕಿದ ವಿರಾಟ್​ ಕೊಹ್ಲಿ

ಸಿಡ್ನಿ: ಭಾರತ ತಂಡದ ನಾಯಕ ವಿರಾಟ್​ ಕೊಹ್ಲಿ ಅವರು ಭಾನುವಾರ ನಡೆದ ಆಸ್ಟ್ರೇಲಿಯಾ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲಿ 89 ರನ್​ಗಳಿಸುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಅತೀ ವೇಗವಾಗಿ 22,000 ರನ್​ ಸಿಡಿಸಿದ ವಿಶ್ವದ ಮೊದಲ ಬ್ಯಾಟ್ಸ್​ಮನ್​ ಎನಿಸಿಕೊಂಡಿದ್ದಾರೆ.

ನಿನ್ನೆ ಪಂದ್ಯದಲ್ಲಿ ಕೊಹ್ಲಿ ಏಳು ಬೌಂಡರಿ ಹಾಗೂ ಎರಡು ಸಿಕ್ಸರ್​ ಸಹಿತ 89 ರನ್​ಗಳಿಸಿದರು. ಪಂದ್ಯ ಸೋತರು ಭಾರತ ತಂಡದ ನಾಯಕ ಕೊಹ್ಲಿ ಅವರು ಮಾತ್ರ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 22,000 ರನ್​ಗಳನ್ನು​ ಪೂರೈಸಿದರು. ಅವರು ಏಕದಿನ ಕ್ರಿಕೆಟ್​ನಲ್ಲಿ 11,977, ಟೆಸ್ಟ್​ನಲ್ಲಿ 7,240, ಟಿ20ಯಲ್ಲಿ 2,784 ರನ್​ಗಳನ್ನು ಸಿಡಿಸಿದ್ದಾರೆ.

ಸದ್ಯ ವಿರಾಟ್​ ಕೊಹ್ಲಿ ಅವರು ಈ ಮೈಲುಗಲ್ಲು ತಲುಪಲು ಒಟ್ಟು 462 ಇನ್ನಿಂಗ್ಸ್​ ತೆಗೆದುಕೊಂಡಿದ್ದರೆ, 2ನೇ ಸ್ಥಾನದಲ್ಲಿ ಇರುವ ಸಚಿನ್ ತೆಂಡೂಲ್ಕರ್​ 493, ವೆಸ್ಟ್​​ ಇಂಡಿಯನ್ಸ್​ ದಂತಕಥೆ ಲಾರಾ 511, ಮೂರು ಏಕದಿನ ವಿಶ್ವಕಪ್​ ಗೆದ್ದು ಆಸ್ಟ್ರೇಲಿಯಾ ತಂಡ ಮಾಜಿ ನಾಯಕ ರಿಕಿ ಪಾಂಟಿಂಗ್​ 514, ಸೌತ್​ ಆಫ್ರೀಕಾ ತಂಡ ಸರ್ವಕಾಲಿಕ ಶ್ರೇಷ್ಠ ಅಲ್​ರೌಂಡರ್​ ಜಾಕ್ ಕಾಲೀಸ್​ 533, ಕನ್ನಡಿಗ ರಾಹುಲ್​ ದ್ರಾವಿಡ್​ 550, ಶ್ರೀಲಂಕಾ ತಂಡದ ಮಾಜಿ ವಿಕೆಟ್ ಕೀಪರ್​​ ಕುಮಾರ್​ ಸಂಗಾಕ್ಕರ 553, ಮಹೇಲಾ ಜಯವರ್ದನೆ 606 ಇನ್ನಿಂಗ್ಸ್​ ತೆಗೆದುಕೊಂಡಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಸಚಿನ್ ತೆಂಡೂಲ್ಕರ್ 34,357 ರನ್​ಗಳು, ಕುಮಾರ್ ಸಂಗಕ್ಕಾರ 28,016, ರಿಕಿ ಪಾಂಟಿಂಗ್ 27,483, ಜಯವರ್ಧನೆ 25,957, ಜಾಕ್ ಕಾಲಿಸ್ 25,534, ರಾಹುಲ್ ದ್ರಾವಿಡ್ 24,208 ರನ್​ ಗಳಿಸಿದ್ದು, ಬ್ರಿಯಾನ್ ಲಾರ್ 22,358 ರನ್​ ಗಳಸಿದ್ದಾರೆ. ಈಗ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ 22,000 ರನ್ ಪೂರೈಸಿದ 8ನೇ ಆಟಗಾರನಾಗಿದ್ದಾರೆ.