Top

ಪ್ರಥಮ್​ ಕೊರೊನಾ ವಿರುದ್ಧದ ಹೋರಾಟಕ್ಕೆ ಆನೆಬಲ..!

ಪ್ರಥಮ್​ ಕೊರೊನಾ ವಿರುದ್ಧದ ಹೋರಾಟಕ್ಕೆ ಆನೆಬಲ..!
X

ದೇಶದಲ್ಲಿ ಹಸಿವಿನಿಂದ ಬಳಲ್ತಿರೋ, ಅದೆಷ್ಟೋ ಜನರ ನೋವಿಗೆ ಸ್ಪಂದಿಸ್ತಿದ್ದಾರೆ ನಮ್ಮ ಸೆಲೆಬ್ರೆಟಿಗಳು. ಇದೀಗ ನಮ್ಮ ಸೆಲೆಬ್ರೆಟಿಗಳ ಮಹತ್ಕಾರ್ಯಕ್ಕೆ ರಾಜಕೀಯ ಧುರೀಣರು, ಮತ್ತವರ ಮಕ್ಕಳು ಕೂಡ ಕೈ ಜೋಡಿಸಿದ್ದಾರೆ. ಅಪ್ಪ ಕೊಟ್ಟ ಪಾಕೆಟ್ ಮನಿಯನ್ನು ಕೂಡಿಟ್ಟು, ಆ ಹಣದಿಂದ ಸಂಕಷ್ಟದಲ್ಲಿದ್ದವ್ರಿಗೆ ಸಹಾಯ ಹಸ್ತ ಚಾಚಿದ್ದಾರೆ.

ಬಿಗ್​ಬಾಸ್​ ಖ್ಯಾತಿಯ ನಟ ಪ್ರಥಮ್, ತಮ್ಮದೇ ಆದ ಸ್ಯಾಂಡಲ್​ವುಡ್ ಕೋವಿಡ್ ವಾರಿಯರ್ಸ್​ ಅನ್ನೋ ತಂಡ ಕಟ್ಟಿಕೊಂಡು, ಹಸಿದವ್ರಿಗೆ ಅನ್ನ ಹಾಕೋ ಪುಣ್ಯದ ಕೆಲಸ ಮಾಡ್ತಿದ್ದಾರೆ. ಮತ್ತೊಂದ್ಕಡೆ ಪ್ರಥಮ್​ ನಿರ್ದೇಶನದ ನಟಭಯಂಕರ ಸಿನಿಮಾ ಹೆಸ್ರಿನಲ್ಲಿ ಪ್ರಥಮ್​ ಅಭಿಮಾನಿಗಳು ಕೂಡ ತಮ್ಮ ಕೈಲಾದ ಸೇವೆ ಮಾಡ್ತಿದ್ದಾರೆ.

ನಟಭಯಂಕರ ತಂಡ ಬಹುದಿನಗಳಿಂದ ಬೀದರ್​ನಲ್ಲಿ ಸಂಕಷ್ಟದಲ್ಲಿರೋರಿಗೆ ಆಹಾರ ಪೂರೈಕೆ ಮಾಡ್ತಿದ್ದಾರೆ. ಅದು ಹೇಗಪ್ಪಾ ಅಂದ್ರೆ(?) ಬೆಂಗಳೂರಿನಿಂದ ಬೀದರ್​ವರೆಗೂ ಅಂದ್ರೆ ಸುಮಾರು 700 ಕಿ ಮೀ. 10 ಬೈಕ್​ಗಳಲ್ಲಿ , 15 ಹುಡುಗರ ತಂಡ ಆಹಾರ ಪದಾರ್ಥಗಳನ್ನು ಇಟ್ಕೊಂಡು ಅಲ್ಲಿವರೆಗೂ ಟ್ರಾವೆಲ್​ ಮಾಡಿ, ಅಲ್ಲಿನ ಜನಕ್ಕೆ ನೆರವಾಗ್ತಿದ್ದಾರೆ.

ಪ್ರಥಮ್​ರ ಈ ಕೆಲಸವನ್ನ ಗಮನಿಸಿರೋ ಜಾರಕಿಹೊಳಿ ಕುಟುಂಬದ ಕುಡಿಗಳಾದ ಸನತ್​ ಮತ್ತು ಸರ್ವೋತ್ತಮ್​ ಸ್ವತಃ ಪ್ರಥಮ್​ಗೆ ಕಾಲ್​ ಮಾಡಿ, ನಾವೂ ಕೂಡ ನಿಮ್ಮ ಕೆಲಸಕ್ಕೆ ಕೈ ಜೋಡಿಸ್ತಿವಿ ಅಂತ ಮುಂದೆ ಬಂದಿದ್ದಾರೆ. ಅಂದ್ಹಾಗೇ ಸನತ್​ ಮತ್ತು ಸರ್ವೋತ್ತಮ್​ ಇಬ್ಬರೂ ಸತೀಶ್​ ಜಾರಕಿಹೊಳಿಯವರ ಸಹೋದರ ಭೀಮ್​ಸೇನ್​ ಜಾರಕಿಹೊಳಿಯವರ ಮಕ್ಕಳು. ಇನ್ನು ಇಂಜಿನಿಯನಿರಿಂಗ್ ಓದ್ತಿರೋ ಇವ್ರು ಅಪ್ಪನ ಹಣದಿಂದ ಅಲ್ಲದೇ, ತಾವು ಸೇವಿಂಗ್​ ಮಾಡಿದ್ದ 30 ಸಾವಿರ ರೂಪಾಯಿಯನ್ನ ಸಂಕಷ್ಟದಲ್ಲಿದ್ದವ್ರಿಗೆ ದೇಣಿಗೆಯಾಗಿ ನೀಡಿದ್ದಾರೆ.

ಇಷ್ಟೇ ಅಲ್ಲ, ಕೊರೊನಾ ವಿರುದ್ಧದ ಪ್ರಥಮ್​ ಮತ್ತು ತಂಡದ ಹೋರಾಟ ನೋಡಿ, ಸಹಕಾರ ಸಚಿವರಾದ ಎಸ್.ಟಿ ಸೋಮಶೇಖರ್ ಮತ್ತು ಅವ್ರ ಪುತ್ರ ನಿಶಾಂತ್​​ ಕೂಡ ಸಹಾಯಕ್ಕೆ ಧಾವಿಸಿದ್ದಾರೆ. ಸುಮಾರು 50 ದಿನಸಿ ಕಿಟ್​ಗಳನ್ನ ಪ್ರಥಮ್​ ತಂಡಕ್ಕೆ ತಲುಪಿಸಿದ್ದಾರೆ. ಅಂದ್ಹಾಗೇ ಈ ಕಿಟ್​ಗಳನ್ನ ಮಂಗಳಮುಖಿಯರಿಗೆ, ಕಾರ್ಮಿಕರಿಗೆ ತಲುಪಿಸಲಾಗಿದೆ.

ಇನ್ನು ನಟ ನಿರ್ದೇಶಕ ಪ್ರಥಮ್​ ಕೂಡ ಸತತವಾಗಿ ತಮ್ಮ ಸಹಾಯ ಕಾರ್ಯವನ್ನ ಮುಂದುವರೆಸಿದ್ದಾರೆ. ಒಂದಷ್ಟು ಉಳ್ಳವರ ನೆರವು ಪಡೆದು, ತಾವು ಕೂಡ ಸ್ವಂತ ಖರ್ಚಿನಿಂದ ಸಂಕಷ್ಟದಲ್ಲಿರೋರಿಗೆ ಆಹಾರ ಪೂರೈಕೆ ಮಾಡ್ತಿದ್ದಾರೆ.

ಅರ್ಚನಾಶರ್ಮಾ. ಎಂಟರ್​​ಟೈನ್ಮೆಂಟ್​ ಬ್ಯುರೋ,ಟಿವಿ5

Next Story

RELATED STORIES