Top

'ಪಾಕಿಸ್ತಾನ ವಿರುದ್ಧ ಟೀ ಇಂಡಿಯಾ ಬೃಹತ್​ ಮೊತ್ತ'- ರೋಹಿತ್ ಭರ್ಜರಿ ಶತಕ

ಪಾಕಿಸ್ತಾನ ವಿರುದ್ಧ ಟೀ ಇಂಡಿಯಾ ಬೃಹತ್​ ಮೊತ್ತ- ರೋಹಿತ್ ಭರ್ಜರಿ ಶತಕ
X

ಇಂಗ್ಲೆಂಡ್,​ ಮ್ಯಾಂಚೆಸ್ಟರ್ : ಭಾರತ ಪಾಕಿಸ್ತಾನ ನಡುವಿನ ವಿಶ್ವಕಪ್ ಪಂದ್ಯ ಭಾನುವಾರ ಇಂಗ್ಲೆಂಡ್​ ಮ್ಯಾಂಚೆಸ್ಟರ್​ ಅಂಗಳದಲ್ಲಿ ನಡೆಯುತ್ತಿದ್ದು ಪಾಕಿಸ್ತಾನ ಟಾಸ್​ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡು ಭಾರತಕ್ಕೆ ಬ್ಯಾಟಿಂಗ್ ಮಾಡಲು ಅವಕಾಶ ನೀಡಿತ್ತು.

ಬ್ಯಾಟಿಂಗ್​ ಆರಂಭಿಸಿದ ಟೀಂ ಇಂಡಿಯಾ ಆರಂಭಿಕ ಬ್ಯಾಟ್​​ಮೆನ್​ ರೋಹಿತ್ ಶರ್ಮಾ ಮತ್ತು ಕನ್ನಡಿಗ ಕೆ.ಎಲ್ ರಾಹುಲ್​ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದರು. ಇವರಿಬ್ಬರು ಜೊತೆಗೂಡಿ 131ರನ್​ಗಳು ಕಲೆಹಾಕಿದರು. ರಾಹುಲ್​ 78 ಎಸೆತ ಎದುರಿಸಿ ಎರಡು ಭರ್ಜರಿ ಸಿಕ್ಸರ್​, ಮೂರು ಬೌಂಡರಿ ಸಹಿತ 57ರನ್​ಗಳನ್ನು ಸಿಡಿಸಿ 23.5ನೇ ವಹಾಬ್ ರಿಯಾಜ್​ ಎಸೆದ ಬಾಲ್​ಗೆ ಅವರು ಔಟ್​ ಆಗಿ ನಿರ್ಗಮಿಸಿದರು.

ಬಳಿಕ ರೋಹಿತ್ ಶರ್ಮಾ ಅವರಿಗೆ ನಾಯಕ ವಿರಾಟ್ ಕೊಹ್ಲಿ ಅವರಿಗೆ ಸಾಥ್​ ಕೊಟ್ಟರು. ಶರ್ಮಾ ಅವರು ಅದ್ಭುತ ಇನ್ನಿಂಗ್​ ಕಟ್ಟಿ ಭರ್ಜರಿ ಶತಕ ದಾಖಲಿಸುವ ಮೂಲಕ ಭಾರತದ ಬೃಹತ್ ಮೊತ್ತಕ್ಕೆ ನಾಂದಿ ಹಾಕಿದರು. ಶರ್ಮಾ 113 ಎಸೆತಗಳನ್ನು ಎದುರಿಸಿ ಮೂರು ಸಿಕ್ಸರ್, 14 ಬೌಂಡರಿ ಬಾರಿಸುವ ಮೂಲಕ ವೈಯಕ್ತಿಕ ಮೊತ್ತ 140ರನ್​ ದಾಖಲಿಸಿ ತಂಡದ ಮೊತ್ತ 234ರನ್​ ಆಗಿದ್ದಾಗ ಹಸನ್​ ಅಲಿ ಅವರ ಎಸೆತಕ್ಕೆ ಬಲಿಯಾಗಿ ಪೆವಿಲಿಯನ್​ ಸೇರಿದರು.

ವಿರಾಟ್​ ಕೊಹ್ಲಿಗೆ ಸಾಥ್​ ಕೊಟ್ಟ ಹಾರ್ಧಿಕ್ ಪಾಂಡ್ಯೆ 19 ಎಸೆತ ಎದುರಿಸಿ 26ರನ್​ಗಳು ಸಿಡಿಸಿ ಅಮಿರ್​ ಅವರು ಎಸೆದ ಬಾಲ್​ಅನ್ನು ಭರ್ಜರಿ ಹೊಡೆತಕ್ಕೆ ಮುಂದಾದಗ ಹೊಡೆತ ವಿಫಲವಾಗಿ ಲಾಂಗ್ ಲೈನ್​ಗೆ ಕ್ಯಾಚ್​ ಕೊಟ್ಟು ಔಟ್​ ಆದರು.

ಇನ್ನು ಮಹೇಂದ್ರ ಸಿಂಗ್ ಧೋನಿ ಅವರು ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ಉಳಿಯದೇ ಒಂದು ರನ್​ ಗಳಿಸಿ ಔಟ್​ ಆದರು. ವಿರಾಟ್​ ಅವರು 62 ಎಸೆತಗಳನ್ನು ಎದುರಿಸಿ ಆರು ಬೌಂಡರಿ ಸಹಿತ 71ರನ್​ಗಳನ್ನು ಸಿಡಿಸಿ ಔಟ್​ ಆಗದೆ ಕ್ರೀಸ್​ನಲ್ಲಿ ಆಡುತ್ತಿದ್ದಾರೆ. ವಿರಾಟ್ ಕೊಹ್ಲಿಗೆ ವಿಜಯ ಶಂಕರ್ ಅವರು ಸಾಥ್​ ನೀಡುತ್ತಿದ್ದಾರೆ.

ಸದ್ಯ ಭಾರತ ತಂಡ 46. 4 ಓವರ್​ ಎದುರಿಸಿ ನಾಲ್ಕು ವಿಕೆಟ್ ನಷ್ಟಕ್ಕೆ 305ರನ್​ಗಳನ್ನು ಕಲೆಹಾಕಿ​ ಬ್ಯಾಟ್ ಮುಂದುವರೆಸಿದೆ. ಮ್ಯಾಂಚೆಸ್ಟರ್​ನಲ್ಲಿ ಮಳೆಯಿಂದಾಗಿ ಪಂದ್ಯವನ್ನು ಸ್ಥಗಿತ ಮಾಡಲಾಗಿದೆ.

Next Story

RELATED STORIES