Top

ಗಣೇಶ್​ಗೆ ಅದೃಷ್ಟ ತಂದುಕೊಡ್ತು ಡಿಸೆಂಬರ್!

ಗಣೇಶ್​ಗೆ ಅದೃಷ್ಟ ತಂದುಕೊಡ್ತು ಡಿಸೆಂಬರ್!
X

ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಪ್ರಶಾಂತ್ ರಾಜ್​ ಕಾಂಬಿನೇಷನ್​ ಒನ್ಸ್ ಅಗೇನ್ ವರ್ಕ್​ಔಟ್ ಆಗಿದ್ದು, ಆರೆಂಜ್ ಸಿನಿಮಾ ಪ್ರೇಕ್ಷಕರ ಮನಗೆದ್ದಿದೆ. ಆರೆಂಜ್​ ಹುಡುಗನ ಆಲ್​​ರೌಂಡ್ ಪ್ರದರ್ಶನಕ್ಕೆ ಫುಲ್ ಮಾರ್ಕ್ಸ್ ಸಿಕ್ಕಿದೆ. ಎಲ್ಲಾ ಕಮರ್ಷಿಯಲ್ ಎಲಿಮೆಂಟ್ಸ್ ಬೆರೆಸಿ, ಕಟ್ಟಿಕೊಟ್ಟಿರೋ ಈ ರೊಮ್ಯಾಂಟಿಕ್ ಆ್ಯಕ್ಷನ್​ ಸಿನಿಮಾ ಎರಡನೇ ವಾರದತ್ತ ಮುನ್ನುಗ್ಗುತ್ತಿದೆ.

ಗೋಲ್ಡನ್​ ‘ಆರೆಂಜ್’​​ ಟೇಸ್ಟ್​​ಗೆ ಮನಸೋತ ಚಿತ್ರರಸಿಕರು​

ಮತ್ತೆ ರಿಪೀಟ್ ಆಯ್ತು ಗಣಿ- ಪ್ರಶಾಂತ್ ಜೂಮ್ ಮ್ಯಾಜಿಕ್

ಎರಡು ವರ್ಷಗಳ ಹಿಂದೆ ಜೂಮ್ ಅನ್ನೋ ಹಿಟ್ ಸಿನಿಮಾ ಕೊಟ್ಟಿದ್ದ ಗಣೇಶ್- ಪ್ರಶಾಂತ್ ಜೋಡಿ ಆರೆಂಜ್ ಸಿನಿಮಾ ಮೂಲಕ ಮತ್ತೆ ಗೆದ್ದಿದ್ದಾರೆ.ಗಣೇಶ್​- ಪ್ರಿಯಾ ಆನಂದ್ ಕೆಮೆಸ್ಟ್ರಿ, ಸಾಧುಕೋಕಿಲ- ಗಣೇಶ್ ಜುಗಲ್ ಬಂದಿ, ಎಸ್. ಎಸ್​ ತಮನ್ ಮ್ಯೂಸಿಕ್ ಪ್ಲಸ್​ ಆಗಿದ್ದು, ಆರೆಂಜ್​ ರಂಗು ಕಣ್ಣಿಗೆ ಹಬ್ಬ. ಲವಲವಿಕೆಯ ಆರೆಂಜ್​ ಹುಡುಗನಾಗಿ ಗೋಲ್ಡನ್ ಸ್ಟಾರ್ ಗಣೇಶ್ ಮೋಡಿ ಮಾಡಿದ್ದಾರೆ.

ಪ್ರೇಕ್ಷಕರ ಜೊತೆ ಸಿನಿಮಾ ನೋಡಿ ಖುಷಿಪಟ್ಟ ಚಿತ್ರತಂಡ

ಮತ್ತೆ ಮಳೆ ಹುಡುಗನಿಗೆ ಅದೃಷ್ಟ ತಂದುಕೊಡ್ತು ಡಿಸೆಂಬರ್..!

ರಾಜ್ಯಾದ್ಯಂತ 300ಕ್ಕೂ ಅಧಿಕ ಸ್ಕ್ರೀನ್​ಗಳಲ್ಲಿ ರಿಲೀಸ್ ಆಗಿರೋ ಆರೆಂಜ್ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣ್ತಿದೆ. ಅರಮನೆ ನಗರಿ ಮೈಸೂರಿನ ಗಾಯಿತ್ರಿ ಚಿತ್ರಮಂದಿರದಲ್ಲಿ ನಿರ್ಮಾಪಕ ನವೀನ್ ಜೊತೆಗೂಡಿ ನಿರ್ದೇಶಕ ಪ್ರಶಾಂತ್ ರಾಜ್​ ಸಿನಿಮಾ ವೀಕ್ಷಿಸಿದರು.

ಪ್ರಶಾಂತ್ ರಾಜ್ ಆಗಮಿಸುತ್ತಿದ್ದಂತೆ ಸೆಲ್ಫಿ ತೆಗೆದುಕೊಳ್ಳಲು ಅಭಿಮಾನಿಗಳು ಮುಗಿಬಿದ್ದದರು. ಆರೆಂಜ್ ಚಿತ್ರಕ್ಕೆ, ಗಣೇಶ್​​​​ ಮತ್ತು ಪ್ರಶಾಂತ್ ರಾಜ್ ಗೆ ಜೈಕಾರ ಹಾಕಿದರು. ಮೈಸೂರಿನಲ್ಲಿ ಸಿನಿಮಾ ಹೌಸ್‌ಫುಲ್ ಕಾಣ್ತಿರೋದಕ್ಕೆ ಪ್ರಶಾಂತ್ ಸಂತಸ ವ್ಯಕ್ತಪಡಿಸಿದರು.

ಗಣೇಶ್ ಅಭಿನಯದ ಮುಂಗಾರು ಮಳೆ, ಮಳೆಯಲಿ ಜೊತೆಯಲಿ, ಶೈಲೂ, ಶ್ರಾವಣಿ ಸುಬ್ರಮಣ್ಯ, ಚಮಕ್ ಸಿನಿಮಾಗಳು ಡಿಸೆಂಬರ್​ನಲ್ಲೇ ರಿಲೀಸ್​ ಆಗಿ ಸಕ್ಸಸ್ ಕಂಡಿದವು, ಇದೀಗ ಆರೆಂಜ್ ಸಿನಿಮಾ ಕೂಡ ಡಿಸೆಂಬರ್​ನಲ್ಲೇ ತೆರೆಕಂಡು ಭರ್ಜರಿ ಓಪನಿಂಗ್ ಪಡ್ಕೊಂಡಿದ್ದು, ಗಣಿಗೆ ಡಿಸೆಂಬರ್ ಲಕ್ಕಿ ಅನ್ನೋದು ಮತ್ತೊಂದು ಪ್ರೂವ್ ಆಗಿದೆ. ಎರಡನೇ ವಾರದತ್ತ ಮುನ್ನುಗ್ಗುತ್ತಿರೋ ಸಿನಿಮಾ ಬಾಕ್ಸಾಫೀಸ್​ ದೋಚುವ ಸುಳಿವು ಕೊಟ್ಟಿದೆ.

Next Story

RELATED STORIES