ಸಿನಿಮಾಗೂ ಮೊದಲೇ ಗಣೇಶ್ ಫ್ಯಾನ್ಸ್ಗೆ ಸಖತ್ ಸರ್ಪ್ರೈಸ್
ಗೋಲ್ಡನ್ ಸ್ಟಾರ್ ಗಣೇಶ್ ಸಿನಿಮಾಗಳು ಎಂದರೇ ಎಲ್ಲರಿಗೂ ಕ್ಯೂರಿಯಾಸಿಟಿ ಇದ್ದೇ ಇರುತ್ತೆ. ಚಮಕ್ ಸಿನಿಮಾ ಸೂಪರ್ ಹಿಟ್ ಲಿಸ್ಟ್ ಸೇರಿದ ಮೇಲೆ ಬರೋಬ್ಬರಿ ಒಂದು ವರ್ಷ ಕಳೆದರು ಗಣಿ ಅಭಿನಯದ ಯಾವ ಚಿತ್ರವೂ ತೆರೆಗೆ ಬಂದಿಲ್ಲ. ಇದೀಗ ಆರೆಂಜ್ ಸಿನಿಮಾ ತೆರೆಗೆ ಬರೋಕ್ಕೆ ರೆಡಿಯಿದ್ದು, ಈಗಾಗ್ಲೇ ಚಿತ್ರದ ಟೀಸರ್ ಮತ್ತು ಲಿರಿಕರ್ ಸಾಂಗ್ಸ್ ಸಖತ್ ಸೌಂಡ್ ಮಾಡ್ತಿವೆ.
ಲವ್ ಸ್ಟೋರಿ ಜೊತೆಗೆ ಆ್ಯಕ್ಷನ್ ಧಮಾಕ ಇರುವ ಔಟ್ ಅಂಡ್ ಔಟ್ ಫನ್ ಎಂಟರ್ಟೈನರ್ ಚಿತ್ರ. ಹೀಗಾಗಲ್ಚಿಲೇ, ಚಿತ್ರದ ಟೀಸರ್ ಮತ್ತು ಲಿರಿಕಲ್ ಸಾಂಗ್ಸ್ ಮಿಲಿಯನ್ಸ್ ವೀವ್ಸ್ ಪಡೆದುಕೊಂಡಿದೆ. ಚಿತ್ರದಲ್ಲಿ ಗಣಿ ಕಲರ್ಫುಲ್ ಕಾಸ್ಟ್ಯೂಮ್ ತೊಟ್ಟು, ಸಖತ್ ಸ್ಟೈಲಿಶ್ ಲುಕ್ನಲ್ಲಿ ಮಿಂಚಿದ್ದಾರೆ. ರಾಜಕುಮಾರ ಚಿತ್ರದಲ್ಲಿ ಪವರ್ ಸ್ಟಾರ್ಗೆ ಜೋಡಿಯಾಗಿದ್ದ ಪ್ರಿಯಾ ಆನಂದ್, ಗಣಿಗೆ ನಾಯಕಿಯಾಗಿ ಮಿಂಚಿರೋದು ಗೊತ್ತೇಯಿದೆ.
ಈ ಹಿಂದೆ ಪ್ರಶಾಂತ್ ರಾಜ್ ಮತ್ತು ಗಣಿ ಕಾಂಬಿನೇಷನ್ನಲ್ಲಿ ತೆರೆಕಂಡಿದ್ದ ಜೂಮ್ ಸಿನಿಮಾ ಕೂಡ ಹಿಟ್ ಆಗಿದ್ದು, ಇದೀಗ ಆರೆಂಜ್ ಮೂಲಕ ಈ ಜೋಡಿ ಮತ್ತೆ ಒಂದಾಗಿದ್ಧಾರೆ. ಹಾಗಾಗಿ ಸಿನಿಮಾ ಮೇಲಿನ ಕ್ಯೂರಿಯಾಸಿಟಿ ಮತ್ತಷ್ಟು ಜಾಸ್ತಿಯಾಗಿದೆ. ಚಮಕ್ ನಂತರ ಗಣಿ ಆರೆಂಜ್ ಸಿನಿಮಾಗಾಗಿ ಒಂದು ವರ್ಷ ಟೈಮ್ ಕೊಟ್ಟಿದ್ದು,ಸಿನಿಮಾ ಅದ್ಬೂತವಾಗಿ ಮೂಡಿಬಂದಿದ್ಯಂತೆ.
ಸದ್ಯ ಆರೆಂಜ್ ಚಿತ್ರದ ರಿಲೀಸ್ ಡೇಟ್ ಫೀಕ್ಸ್ ಆಗಿದ್ದು, ಅದಕ್ಕೂ ಮೊದ್ಲು ಇದೇ ಶನಿವಾರ ಸಂಜೆ ಚಿತ್ರದ ಟ್ರೇಲರ್ ರಿಲೀಸ್ ಆಗ್ತಿದೆ. ಸಿನಿಮಾ ರಿಲೀಸ್ ಗೂ ಮೊದಲು ಆರೆಂಜ್ ಚಿತ್ರದ ಟ್ರೇಲರ್ಗಾಗಿ ಗಣಿ ಫ್ಯಾನ್ಸ್ ಕಾಯ್ತಿದ್ದಾರೆ.
ಮುಂದಿನ ತಿಂಗಳು ಡಿಸೆಂಬರ್ ಮೊದಲ ವಾರದಲ್ಲಿ ಆರೆಂಜ್ ಸಿನಿಮಾ ರಿಲೀಸ್ ಆಗ್ತಿದೆ. ಡಿಸೆಂಬರ್ ಗಣಿಗೆ ಲಕ್ಕಿ ತಿಂಗಳು ಅನ್ನಿಸುತ್ತೆ. ಏಕೆಂದರೆ ಈ ಹಿಂದಿನ ಸಾಕಷ್ಟುಹಿಟ್ ಸಿನಿಮಾಗಳು ಇದಕ್ಕೆ ಸಾಕ್ಷಿಯಾಗಿವೆ. ಗಣಿ ಸಿನಿಕರಿಯರ್ನ ಬ್ಲಾಕ್ ಬಸ್ಟರ್ ಹಿಟ್ ಮುಂಗಾರುಮಳೆ ಸಿನಿಮಾ ಡಿಸೆಂಬರ್ನಲ್ಲಿ ರಿಲೀಸ್ ಆಗಿದ್ದು ಗೊತ್ತೇಯಿದೆ. ಆ ನಂತರ ಮಳೆಯಲಿ ಜೊತೆಯಲಿ, ಶೈಲೂ, ಶ್ರಾವಣಿ ಸುಬ್ರಹ್ಮಣ್ಯ, ಸುಂದರಾಂಗ ಜಾಣ, ಚಮಕ್ ಸಿನಿಮಾಗಳು ಡಿಸೆಂಬರ್ ತಿಂಗಳಲ್ಲೇ ತೆರೆಕಂಡಿದ್ದು,ಹಿಟ್ ಲಿಸ್ಟ್ ಸೇರಿವೆ.
ಇದೀಗ ಆರೆಂಜ್ ಕೂಡ ಡಿಸೇಂಬರ್ಗೆ ತೆರೆಕಾಣ್ತಿದ್ದು, ಬಾಕ್ಸಾಫೀಸ್ನಲ್ಲಿ ಸೌಂಡ್ ಮಾಡೋ ಸೂಚನೆ ಸಿಕ್ತಿದೆ. ಒಟ್ಟಿನಲ್ಲಿ ಒಂದು ವರ್ಷದ ನಂತರ ಗಣಿ ಮತ್ತೆ ತೆರೆಮೇಲೆ ಮಿಂಚ್ತಿದ್ದು, ಗೋಲ್ಡನ್ ಫ್ಯಾನ್ಸ್ ಸಿನಿಮಾ ನೋಡೋಕ್ಕೆ ತುದಿಗಾಲಲ್ಲಿ ನಿಂತಿದ್ದಾರೆ.
