Top

ಮತ್ತೆ ಒಂದಾಯ್ತು ಅಪ್ಪು-ಯೋಗಿ ಪವರ್​ಫುಲ್ ಜೋಡಿ

ಮತ್ತೆ ಒಂದಾಯ್ತು ಅಪ್ಪು-ಯೋಗಿ ಪವರ್​ಫುಲ್ ಜೋಡಿ
X

ಪವರ್​ ಸ್ಟಾರ್ ಪುನೀತ್​ ರಾಜ್​ಕುಮಾರ್​ ಮತ್ತು ಲೂಸ್​ಮಾದ ಯೋಗಿ ಕಾಂಬಿನೇಷನ್​ ಸಿನಿಮಾ ಅಂದ್ರೆ ಸಿನಿಪ್ರಿಯರು ಮಸ್ತ್ ಎಂಜಾಯ್​ ಮಾಡ್ತಾರೆ. ಈ ಹಿಂದಿನ ಹುಡುಗರು ಮತ್ತು ಯಾರೇ ಕೂಗಾಡಲಿ ಚಿತ್ರದಲ್ಲಿ ಅಪ್ಪು ಮತ್ತು ಯೋಗಿ ಜೋಡಿಯಾಗಿ ಪ್ರೇಕ್ಷಕರನ್ನ ಸಖತ್​ ಎಂಟರ್​ಟೈನ್​ ಮಾಡಿದ್ರು.ಇದೀಗ ಲಾಂಗ್​ ಗ್ಯಾಪ್​ನ ನಂತರ ಈ ಜೋಡಿ ಮತ್ತೆ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ.

ಅಪ್ಪು ಮತ್ತು ಯೋಗಿ ಒಟ್ಟಾಗಿ ಕಾಣಿಸಿಕೊಂಡಿದ್ದೇನೋ ನಿಜ. ಆದರೆ ಸಿನಿಮಾದಲ್ಲಿ ತೆರೆ ಹಂಚಿಕೊಳ್ಳೋ ಮೂಲಕ ಅಲ್ಲದಿದ್ರೂ,ಯೋಗಿಯ ಹೊಸ ಚಿತ್ರ ಲಂಬೋದರನಿಗೆ ಬೆನ್ನೆಲುವಾಗಿ ನಿಂತಿದ್ದಾರೆ. ನಿನ್ನೆಯಷ್ಟೇ ಯೋಗಿಯ ಕಂಬ್ಯಾಕ್​ ಚಿತ್ರ ಲಂಬೋದರ ಸಿನಿಮಾ ಕಲರ್​ಫುಲ್​ ಲಿರಿಕಲ್​ ಹಾಡೊಂದನ್ನ ಪವರ್​ ಸ್ಟಾರ್ ರಿಲೀಸ್​ ಮಾಡಿದ್ದಾರೆ.

ಇನ್ನು ಲಂಬೋದರ ಚಿತ್ರದ ಮೊದಲ ಹಾಡು ನಿನ್ನೆ ರಿಲೀಸ್​ ಆಗಿದ್ದು, ಲಂಬೋದರ ಲೂಸಾದ ಅಂತ ಈ ಹಾಡು ಶುರುವಾಗುತ್ತೆ.ಕಂಪ್ಲೀಟ್​ ಫನ್​ ಎಂಟರ್​ಟೈನರ್​ ಸಿನಿಮಾ ಇದಾಗಿದ್ದು, ಸಿನಿಮಾ ಬಗ್ಗೆ ನಟ ಯೋಗಿ ಕೂಡ ಸಖತ್​ ಎಕ್ಸೈಟ್ ಆಗಿದ್ದಾರೆ.

ಇನ್ನು ಲಂಬೋದರ ಚಿತ್ರಕ್ಕೆ ಕಾರ್ತಿಕ್​ ಮ್ಯೂಸಿಕ್​ ಮಾಡಿದ್ದು, ಚಿತ್ರದ ಅಷ್ಟೂ ಹಾಡುಗಳು ಒಂದಕ್ಕಿಂತ ಒಂದು ವಿಭಿನ್ನವಾಗಿದ್ಯಂತೆ. ಮುಂದಿನ ದಿನಗಳಲ್ಲಿ ಲಂಬೋದರನ ಒಂದೊಂದೇ ಎಕ್ಸ್​ಕ್ಲೂಸಿವ್​ ಹಾಡುಗಳು ಕೇಳೋಕ್ಕೆ ಸಿಗಲಿವೆ. ಚಿತ್ರಕ್ಕೆ ಕೃಷ್ಣರಾಜ್​ ಆ್ಯಕ್ಷನ್​ ಕಟ್ ಹೇಳಿದ್ದು, ಈಗಾಗ್ಲೇ ಟ್ರೇಲರ್​ ಕೂಡ ಸಾಕಷ್ಟು ವೀವ್ಸ್​ ಪಡೆದುಕೊಂಡಿದೆ.

ಲಂಬೋದರ, ಬಸವನ ಗುಡಿ ಬೆಂಗಳೂರು ಅನ್ನೋ ಟ್ಯಾಗ್​ಲೈನ್ ಮೂಲಕ ಲೂಸ್​ ಮಾದ ಯೋಗಿ ಬಹಳ ದಿನಗಳ ನಂತರ ಮತ್ತೊಮ್ಮೆ ಪ್ರೇಕ್ಷಕರನ್ನ ಎಂಟರ್​ಟೈನ್​ ಮಾಡೋಕ್ಕೆ ಬರ್ತಿದ್ದಾರೆ. ಚಿತ್ರದ ಟ್ರೇಲರ್​ ಮತ್ತು ಸಾಂಗ್ಸ್​ ನೋಡ್ತಿದ್ರೆ ಸಿನಿಮಾ ಮೇಲೆ ಕುತೂಹಲ ಮೂಡಿಸುವಂತಿದ್ದು, ಯೋಗಿಗೆ, ಲಂಬೋದರ ಕಮ್​ಬ್ಯಾಕ್​ ಮೂವಿ ಆಗುತ್ತೆ ಅಂತಿದೆ ಗಾಂಧಿನಗರ.

ಅರ್ಚನಾಶರ್ಮಾ,ಎಂಟರ್​ಟೈನ್ಮೆಂಟ್​ ಬ್ಯುರೋ, ಟಿವಿ5

Next Story

RELATED STORIES