800 ಅಡಿ ಪ್ರಪಾತಕ್ಕೆ ಬಿದ್ದು ಭಾರತೀಯ ದಂಪತಿ ಸಾವು

ಭಾರತೀಯ ಮೂಲದ ದಂಪತಿ 800 ಅಡಿ ಆಳದ ಪ್ರಪಾತಕ್ಕೆ ಬಿದ್ದು ಮೃತಪಟ್ಟ ಘಟನೆ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿನ ಯೊಸೆಮಿಟೆ ರಾಷ್ಟ್ರಿಯ ಪಾರ್ಕ್​ನಲ್ಲಿ ಸಂಭವಿಸಿದೆ.

29 ವರ್ಷದ ವಿಷ್ಣು ವಿಶ್ವನಾಥ್ ಮತ್ತು 30 ವರ್ಷದ ಮೀನಾಕ್ಷಿ ಮೂರ್ತಿ ಮೃತಪಟ್ಟ ದುರ್ದೈವಿಗಳು. ನ್ಯಾಷನಲ್ ಪಾರ್ಕ್​ನ ಅತ್ಯಂತ ಎತ್ತರವಾದ ಟ್ರಾಫ್ಟ್ ಪಾಯಿಂಟ್​ ಮೇಲಿಂದ ಬಿದ್ದು ಈ ದುರಂತ ಸಂಭವಿಸಿದೆ.

ಭಾರತೀಯ ಮೂಲದ ದಂಪತಿ ನ್ಯೂಯಾರ್ಕ್​ನಲ್ಲಿ ವಾಸವಾಗಿದ್ದು, ಇತ್ತೀಚೆಗೆ ಉದ್ಯೋಗ ಬದಲಿಸಿ ವಾಸಸ್ಥಾನ ಕೂಡ ಬದಲಿಸಿದ್ದರು. ಈ ಬಿಡುವಿನ ವೇಳೆಯಲ್ಲಿ ಅಡ್ವೆಂಚರ್ ಮಾಡುವ ಉದ್ದೇಶದಿಂದ ಪ್ರವಾಸ ಕೈಗೊಂಡಿದ್ದರು.

ಘಟನೆ ನಡೆದ ಎರಡು ದಿನಗಳಾಗಿದ್ದು, ಸೋಮವಾರ ಇಬ್ಬರ ಮೃತದೇಹಗಳು ಪತ್ತೆಯಾಗಿವೆ. ಘಟನೆ ಹೇಗೆ ಸಂಭವಿಸಿತು ಎಂಬ ಮಾಹಿತಿ ಇನ್ನೂ ಲಭ್ಯವಾಗಿಲ್ಲ. ಈ ಬಗಗ್ಎ ಪರಿಶೀಲನೆ ಮಾಡುತ್ತಿದ್ಧೇವೆ ಎಂದರು.