Top

ಭಾವನಾಗೆ ಅಮೆರಿಕದ ಮೇರಿಲ್ಯಾಂಡ್​ನಲ್ಲಿ ಪ್ರಶಸ್ತಿ

ಭಾವನಾಗೆ ಅಮೆರಿಕದ ಮೇರಿಲ್ಯಾಂಡ್​ನಲ್ಲಿ ಪ್ರಶಸ್ತಿ
X


ಕನ್ನಡದ ಖ್ಯಾತ ನಟಿ ಭಾವನಾ ರಾಮಣ್ಣ ಅವರಿಗೆ ಕನ್ನಡ ಚಲನಚಿತ್ರೋದ್ಯಮಕ್ಕೆ ನೀಡಿದ ಕೊಡುಗೆಗಾಗಿ ಅಮೆರಿಕ ಸಂಯುಕ್ತ ಸಂಸ್ಥಾನದ ಮೇರಿಲ್ಯಾಂಡ್ ರಾಜ್ಯದ ಗವರ್ನರ್ ಅವರ ಪ್ರತಿಷ್ಠಿತ ಪುರಸ್ಕಾರ ನೀಡಿ ಗೌರವಿಸಲಾಯಿತು.

ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ ವಾಸಿಸುತ್ತಿರುವ ಕನ್ನಡ ಮಾತನಾಡುವ ಜನರ ಸಾಂಸ್ಕೃತಿಕ ಸಂಘಟನೆಯಾಗಿರುವ ಮೇರಿಲ್ಯಾಂಡ್ ಮತ್ತು ವಾಷಿಂಗ್ಟನ್ ಡಿಸಿಯ ಕಾವೇರಿ ಕನ್ನಡ ಸಂಸ್ಥೆ 'ವರ್ಷದ ಅತ್ಯುತ್ತಮ ಭಾರತೀಯ ನಟಿ'ಪ್ರಶಸ್ತಿಯನ್ನು ಕೂಡ ಭಾವನಾ ರಾಮಣ್ಣ ಅವರಿಗೆ ನೀಡಿ ಗೌರವಿಸಿತು.

ಅಮೆರಿಕ ಸಂಯುಕ್ತ ಸಂಸ್ಥಾನದ ಮೆರಿಲ್ಯಾಂಡ್ ನಲ್ಲಿ 'ಬಿಗ್ ಬಿಸಿನೆಸ್ ವಿತ್ ಸ್ಮಾಲ್ ಬಿಸಿನೆಸ್' ಕಾರ್ಯಕ್ರಮದಲ್ಲಿ ಭಾವನಾ ಅವರನ್ನು ಸನ್ಮಾನಿಸಲಾಯಿತು.

ಪ್ರತಿಷ್ಠಾನದ ಮೂಲಕ ಭಾರತದ ವಿವಿಧ ಭಾಗಗಳಲ್ಲಿ ಕಲಾವಿದರನ್ನು ಹಾಗೂ ವಿವಿಧ ಕಲಾಪ್ರಕಾರಗಳನ್ನು ಪ್ರೋತ್ಸಾಹಿಸಿ ಹುರಿದುಂಬಿಸುತ್ತಿರುವುದಕ್ಕಾಗಿ ಕೂಡ ರಾಜ್ಯಪಾಲರು ಅವರನ್ನು ಪ್ರಶಂಸಿಸಿದರು.

ತುಳು ಚಲನಚಿತ್ರೋದ್ಯಮದಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಭಾವನಾ ಕನ್ನಡ ಚಲನಚಿತ್ರೋದ್ಯಮದಲ್ಲಿ ನೆಲೆನಿಂತು ರಾಜ್ಯ ಪ್ರಶಸ್ತಿಯನ್ನು ಕೂಡ ತಮ್ಮ ವೃತ್ತಿಜೀವನದ ಭಾಗವಾಗಿ ಗಳಿಸಿಕೊಂಡವರು.

ಅತ್ಯಂತ ಕಡಿಮೆ ನಟರನ್ನು ಹೊಂದಿದ್ದಕ್ಕಾಗಿ ಆಕೆಯ ಚಲನಚಿತ್ರ 'ಶಾಂತಿ' ಗಿನ್ನೆಸ್ ದಾಖಲೆಗೆ ಸೇರಿತ್ತು. ತಮ್ಮ ಚೊಚ್ಚಲ ಚಲನಚಿತ್ರದಲ್ಲೇ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಭಾವನಾ ಗಿಟ್ಟಿಸಿಕೊಂಡವರು

ಸುಧಾಕರ್ ಗಂದೆ ಅವರ ಲೆಕ್ಸಿಕನ್ ಮೋಶನ್ ಪಿಕ್ಚರ್ಸ್ ಜೊತೆ ಹೋಂಟೌನ್ಸ್ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ನಿರುತ್ತರ ಎಂಬ ಚಲನಚಿತ್ರವನ್ನು ಅವರು ನಿರ್ಮಿಸಿದ್ದರು. ಈ ಚಿತ್ರದಲ್ಲಿ ಆಸ್ಕರ್ ವಿಜೇತ ರೆಸೂಲ್ ಪೂಕುಟ್ಟಿ ಕನ್ನಡ ಚಿತ್ರವೊಂದಕ್ಕಾಗಿ ಪ್ರಪ್ರಥಮ ಬಾರಿ ಕೆಲಸ ಮಾಡಿದ್ದರು.

Next Story

RELATED STORIES