ನಾನು ಮುಖ್ಯಮಂತ್ರಿ ಆದರೆ... ಸಚಿವ ಎನ್.ಮಹೇಶ್
ನಾನೊಬ್ಬ ಗೆದ್ದ ಮಾತ್ರಕ್ಕೆ ರಾಜ್ಯದಲ್ಲಿ ಬದಲಾವಣೆ ತರಲು ಸಾಧ್ಯವಿಲ್ಲ. ಮುಖ್ಯಮಂತ್ರಿ ಆದರೆ ಏನಾದರೂ ಬದಲಾವಣೆ ಮಾಡಬಹುದು ಎಂದು ಪ್ರಾಥಮಿಕ ಮತ್ತು ಪ್ರೌಢಶಿಕ್ಷಣ ಸಚಿವ ಎನ್. ಮಹೇಶ್ ಹೇಳಿದ್ದಾರೆ.
ಚಾಮರಾಜನಗರದಲ್ಲಿ ನಡೆದ ಬಹುಜನ ಸಮಾಜ ಪಕ್ಷದ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು, ಈ ಹೇಳಿಕೆ ನೀಡುವ ಮೂಲಕ ಮುಂದೊಂದು ದಿನ ಮುಖ್ಯಮಂತ್ರಿ ಆಗುವ ಇಂಗಿತ ವ್ಯಕ್ತಪಡಿಸಿದರು.
ಜಾತಿ ಎಂಬುದು ನಮ್ಮ ದೇಶಕ್ಕೆ ಅಂಟಿರುವ ದೊಡ್ಡ ರೋಗ. ನಮ್ಮ ದೇಶದಲ್ಲಿ 6 ಸಾವಿರ ಜಾತಿಗಳಿವೆ. 6 ಸಾವಿರ ಜಾತಿಗಳಾಗಿ ನಮ್ಮ ಮೆದುಳು ಒಡೆದುಹೋಗಿದೆ. ಅದಕ್ಕಾಗಿಯೇ ನಮ್ಮಲ್ಲಿ ಐಕ್ಯತೆ ಬಂದಿಲ್ಲ. ಬರೋದೂ ಇಲ್ಲ. ಬೋಲೋ ಭಾರತ್ ಮಾತಾಕೀ ಜೈ ಅಂದ್ರೆ ಐಕ್ಯತೆ ಬರಲ್ಲ. ಈ ಜಾತಿಗಳನ್ನು ಬೆಸೆಯುವಂತ ಕೆಲಸ ಮಾಡಬೇಕು ಎಂದು ಮಹೇಶ್ ಹೇಳಿದರು.
ದೇಶವನ್ನು ಈಗಿನ ಸಂಕಷ್ಟದಿಂದ ಬಿಡುಗಡೆ ಮಾಡುವಂತಹ ಧ್ಯೇಯ ಕಾಂಗ್ರೆಸ್ ಪಕ್ಷಕ್ಕೂ ಇಲ್ಲ ಬಿಜೆಪಿಗೂ ಇಲ್ಲ. ಐಕ್ಯತೆ ತರುವುದಕ್ಕಾಗಿಯೇ ಬಹುಜನ ಸಮಾಜ ಪಕ್ಷ ಹುಟ್ಟಿಕೊಂಡಿದ್ದು ಎಂದು ಮಹೇಶ್ ನುಡಿದರು.
Next Story
