Top

ರೋಹಿತ್, ಧವನ್​ಗೆ ವಿಶ್ರಾಂತಿ: ಧೋನಿ ಮತ್ತೆ ನಾಯಕ!

ರೋಹಿತ್, ಧವನ್​ಗೆ ವಿಶ್ರಾಂತಿ: ಧೋನಿ ಮತ್ತೆ ನಾಯಕ!
X

ಅದ್ಭುತ ಫಾರ್ಮ್​ನಲ್ಲಿರುವ ನಾಯಕ ರೋಹಿತ್ ಶರ್ಮ ಹಾಗೂ ಉಪನಾಯಕ ಶಿಖರ್ ಧವನ್​ ಸೇರಿ 5 ಮಂದಿ ಆಟಗಾರರಿಗೆ ವಿಶ್ರಾಂತಿ ನೀಡಲಾಗಿದೆ, ಈ ಮೂಲಕ ಆಫ್ಘಾನಿಸ್ತಾನ ವಿರುದ್ಧದ ಏಷ್ಯಾಕಪ್​ ಪಂದ್ಯದಲ್ಲಿ ಮಹೇಂದ್ರ ಸಿಂಗ್ ಧೋನಿಗೆ ಮತ್ತೆ ನಾಯಕ ಪಟ್ಟ ನೀಡಲಾಯಿತು.

ನಾಯಕತ್ವಕ್ಕೆ ವಿದಾಯ ಹೇಳಿ ಸುಮಾರು 2 ವರ್ಷ ಕಳೆದ ನಂತರ ಮಹೇಂದ್ರ ಸಿಂಗ್ ಧೋನಿ ಮತ್ತೆ ತಂಡವನ್ನು ಮುನ್ನಡೆಸುವ ಅವಕಾಶ ಪಡೆದರು. ಮತ್ತೊಂದು ವಿಶೇಷ ಅಂದರೆ ಧೋನಿ ಪಾಲಿಗೆ ಇದು 200ನೇ ಏಕದಿನ ಪಂದ್ಯವಾಗಿದ್ದು, ವಿಶೇಷ ಗೌರವ ನೀಡಿದಂತಾಯಿತು.

ಆಫ್ಘಾನಿಸ್ತಾನ ವಿರುದ್ಧ ಮಂಗಳವಾರ ನಡೆದ ಏಷ್ಯಾಕಪ್​ನ ಸೂಪರ್​-4 ಪಂದ್ಯದಲ್ಲಿ ಭಾರತ ತಂಡದ ನಾಯಕ ರೋಹಿತ್ ಶರ್ಮ ಹಾಗೂ ಉಪನಾಯಕ ಶಿಖರ್ ಧವನ್​, ಭುವನೇಶ್ವರ್ ಕುಮಾರ್, ಜಸ್​ಪ್ರೀತ್ ಬುಮ್ರಾ ಹಾಗೂ ಯಜುರ್ವೆಂದ್ರ ಚಾಹಲ್​ಗೆ ವಿಶ್ರಾಂತಿ ನೀಡಲಾಯಿತು.

ಪ್ರಮುಖ ಆಟಗಾರರ ಅನುಪಸ್ಥಿತಿಯಲ್ಲಿ ಯುವಪಡೆಯನ್ನು ಮುನ್ನಡೆಸುವ ಹೊಣೆಯನ್ನು ಭಾರತ ಕಂಡ ಅತ್ಯಂತ ಯಶಸ್ವಿ ನಾಯಕ ಮಹೇಂದ್ರ ಸಿಂಗ್ ಧೋನಿಗೆ ವಹಿಸಲಾಯಿತು. ಈ ಮೂಲಕ ಧೋನಿ ನಾಯಕತ್ವ ತೊರೆದ 696 ದಿನಗಳ ನಂತರ ಮತ್ತೆ ನಾಯಕನಾದರು. ದೀಪಕ್ ಚಾಹರ್ ಈ ಪಂದ್ಯದ ಮೂಲಕ ಏಕದಿನ ಕ್ರಿಕೆಟ್​ಗೆ ಪಾದರ್ಪಣೆ ಮಾಡಿದರು.

ಆರಂಭಿಕರಾಗಿ ಕೆ.ಎಲ್.ರಾಹುಲ್ ತಂಡಕ್ಕೆ ಮರಳಿದರೆ, ಮತ್ತೊಬ್ಬ ಕನ್ನಡಿಗ ಮನೀಷ್ ಪಾಂಡೆ, ಖಲೀಲ್​, ಸಿದ್ಧಾರ್ಥ್ ಕೌಲ್ ಮತ್ತು ಕೇದಾರ್ ಜಾಧವ್ ಸ್ಥಾನ ಪಡೆದರು.

ಭಾರತ ತಂಡ:

ಮಹೇಂದ್ರ ಸಿಂಗ್ ಧೋನಿ (ನಾಯಕ), ಕೆ.ಎಲ್​. ರಾಹುಲ್​, ಅಂಬಟಿ ರಾಯುಡು, ದಿನೇಶ್ ಕಾರ್ತಿಕ್, ಕುಲದೀಪ್ ಯಾದವ್, ಕೇದಾರ್ ಜಾಧವ್, ಮನೀಷ್ ಪಾಂಡೆ, ರವೀಂದ್ರ ಜಡೇಜಾ, ದೀಪಕ್ ಚಾಹರ್, ಸಿದ್ಧರ್ಥ್​ ಕೌಲ್, ಖಲೀಲ್​.

Next Story

RELATED STORIES