Top

ಹಿಮಾಚಲದಲ್ಲಿ 35 ಐಐಟಿ ವಿದ್ಯಾರ್ಥಿ ಸೇರಿ 45 ಟ್ರಕ್ಕರ್​ಗಳು ನಾಪತ್ತೆ

ಹಿಮಾಚಲದಲ್ಲಿ 35 ಐಐಟಿ ವಿದ್ಯಾರ್ಥಿ ಸೇರಿ 45 ಟ್ರಕ್ಕರ್​ಗಳು ನಾಪತ್ತೆ
X

ಭಾರೀ ಇಬ್ಬನಿ ಬಿದ್ದ ಕಾರಣ ಟ್ರಕ್ಕಿಂಗ್ ಹೊರಟ್ಟಿದ್ದ ರೂರ್​ಕೀ ಇನ್ಸಿಟಿಟ್ಯೂಟ್ ಆಫ್ ಟೆಕ್ನಾಲಜಿಯ 35 ವಿದ್ಯಾರ್ಥಿಗಳು ಸೇರಿದಂತೆ 45 ಮಂದಿ ಹಿಮಾಚಲ ಪ್ರದೇಶದ ಲಹುಲ್ ಮತ್ತು ಸ್ಪಿಟಿ ಜಿಲ್ಲೆಗಳಲ್ಲಿ ನಾಪತ್ತೆಯಾಗಿದ್ದಾರೆ.

ಹಂಪ್ಟಾ ಪಾಸ್ ಬಳಿ ಟ್ರಕ್ಕಿಂಗ್​ ತೆರಳಿದ್ದ 45 ಮಂದಿ ಮನಾಲಿಗೆ ಹಿಂತಿರುಗಬೇಕಿತ್ತು. ಆದರೆ ಇನ್ನೂ ಹಿಂತಿರುಗಿಲ್ಲ. ಅಲ್ಲದೇ ಸಂಪರ್ಕಕ್ಕೂ ಸಿಗುತ್ತಿಲ್ಲ ಎಂದು ಟ್ರಕ್ಕಿಂಗ್​ಗೆ ಹೋದ ಗುಂಪಿನ ಒಬ್ಬ ವಿದ್ಯಾರ್ಥಿಯ ತಂದೆ ರಾಜ್​ವೀರ್ ಸಿಂಗ್ ಹೇಳಿದ್ದಾರೆ.

ಹಿಮಾಚಲ ಪ್ರದೇಶದಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಮಳೆ ಹಾಗೂ ಇಬ್ಬನಿ ಬೀಳುತ್ತಿದ್ದು, ಇದುವರೆಗೆ ಕನಿಷ್ಠ 5 ಮಂದಿ ಮೃತಪಟ್ಟಿದ್ದಾರೆ. ಪ್ರತ್ಯೇಕ ಘಟನೆಗಳಲ್ಲಿ ಹಲವಾರು ಮಂದಿ ಗಾಯಗೊಂಡಿದ್ದಾರೆ.

ಕುಲುನಲ್ಲಿ ಮಹಿಳೆ ಸೇರಿದಂತೆ ನಾಲ್ವರು ಮೃತಪಟ್ಟಿದ್ದಾರೆ. ಕಂಗ್ರಾ, ಕುಲು ಮತ್ತು ಹಮೀಪುರ್ ಜಿಲ್ಲೆಗಳಲ್ಲಿ ಶಾಲಾ-ಕಾಲೇಜುಗಳನ್ನು ಮುಚ್ಚುವಂತೆ ಸ್ಥಳೀಯ ಆಡಳಿತ ಆದೇಶಿಸಿದೆ.

ಕುಲು ಪ್ರದೇಶದಲ್ಲಿ ಹೈ ಅಲರ್ಟ್​ ಘೋಷಿಸಲಾಗಿದ್ದು, ತುರ್ತು ಪರಿಹಾರಕ್ಕಾಗಿ 20 ಕೋಟಿ ರೂ. ಪರಿಹಾರ ಘೋಷಿಸಲಾಗಿದೆ. ಅಲ್ಲದೇ ಸ್ಥಳೀಯ ನದಿಗಳು ಅಪಾಯಮಟ್ಟ ಮೀರಿ ಹರಿಯುತ್ತಿವೆ ಎಂದು ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.

Next Story

RELATED STORIES