ಮುಂಬೈ ವಿರುದ್ಧ ಮುಗ್ಗರಿಸಿದ ಕರ್ನಾಟಕ

ವಿಜಯ್ ಹಜಾರೆ ಟೂರ್ನಿಯಲ್ಲಿ ಕರ್ನಾಟಕ ಮುಂಬೈ ವಿರುದ್ಧ 88 ರನ್​ಗಳ ಅಂತರದಿಂದ ಸೋಲು ಕಂಡಿದೆ. ಇದರೊಂದಿಗೆ ವಿನಯ್ ಪಡೆ ಸತತ ಎರಡನೇ ಸೋಲುಗಳನ್ನ ಕಂಡಿದೆ.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ತಂಡ ನಿಗದಿತ ಓವರ್​ನಲ್ಲಿ 5 ವಿಕೆಟ್ ನಷ್ಟ್ಕಕೆ 362 ರನ್ ಗಳಿಸಿತು.

ಆರಂಭಿಕ ಬ್ಯಾಟ್ಸ್ ಮನ್ ಅಜಿಂಕ್ಯ ರಹಾನೆ 148, ಶ್ರೇಯಸ್ ಅಯ್ಯರ್ 110 ರನ್​ಗಳ ನೆರವಿನಿಂದ ಬೃಹತ್ ಮೊತ್ತೆ ಪೇರಿಸಲು ನೆರವಾಯಿತು.

ಮತ್ತೊರ್ವ ಆರಂಭಿಕ ಬ್ಯಾಟ್ಸ್​ ಮನ್ ಪೃಥ್ವ ಶಾ 60, ಸುರ್ಯ 2, ಶವಂ ದುಬೆ 23 ರನ್​ ಗಳಿಸಿದ್ರು.

ಕರ್ನಾಟಕ ಪರ ವಿನಯ್ ಕುಮಾರ್, ಮಿಥುನ್, ಸ್ಟುವರ್ಟ್ ಬಿನ್ನಿ ಮತ್ತು ಗೌತಮ್ ಕೆ. ತಲಾ ಒಂದು ವಿಕೆಟ್ ಪಡೆದರು.

ಬೃಹತ್​ ಮೊತ್ತ ಬೆನ್ನತ್ತಿದ ಕರ್ನಾಟಕ ಉತ್ತಮ ಆರಂಭ ಕೊಡುವಲ್ಲಿ ಎಡವಿತು. ಸಮರ್ಥ್​ 20, ಕರುಣ್ ನಾಯರ್​ 31, ಶ್ರೇಯಸ್ ಗೋಪಾಲ್ 38, ವಿನಯ್​ ಕುಮಾರ್ 36 ರನ್​ಗಳಿಸಿದ್ದು ಬಿಟ್ಟರೇ ತಂಡದ ಯಾವ ಬ್ಯಾಟ್ಸ್ ಮನ್​ಗಳು 20 ರನ್​ಗಳ ಗಡಿ ದಾಟಲಿಲ್ಲ.

ಅಂತಿಮವಾಗಿ ಕರ್ನಾಟಕ ತಂಡ 45 ಓವರ್​ಗಳಲ್ಲಿ 274 ರನ್​ ಗಳಿಸಿ ಆಲೌಟ್ ಆಯಿತು. ಮುಂಬೈ ಪರ ಶಾಮ್ಸ್ ಮುಲಾನಿ 4 ವಿಕೆಟ್ ಪಡೆದು ಮಿಂಚಿದ್ರು.