5ನೇ ಟೆಸ್ಟ್: ಹಿನ್ನಡೆ ಅಂತರ ತಗ್ಗಿಸಿದ ಜಡೇಜಾ, ಹನುಮ
ಆಲ್ರೌಂಡರ್ ರವೀಂದ್ರ ಜಡೇಜಾ ಹಾಗೂ ಹನುಮ ವಿಹಾರಿ ಅರ್ಧಶತಕಗಳ ಹೊರತಾಗಿಯೂ ಭಾರತ ತಂಡ 5ನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ 40 ರನ್ ಗಳ ಅಲ್ಪ ಹಿನ್ನಡೆಗೆ ಒಳಗಾಯಿತು.
ಓವಲ್ನಲ್ಲಿ ನಡೆಯುತ್ತಿರುವ ಪಂದ್ಯದ ಮೂರನೇ ದಿನವಾದ ಭಾನುವಾರ 174 ರನ್ಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಭಾರತ ತಂಡ ಚಹಾ ವಿರಾಮದ ವೇಳೆಗೆ 292 ರನ್ ವರೆಗೂ ಮೊದಲ ಇನಿಂಗ್ಸ್ ಮುಂದುವರಿಸಿತು. ಇದರೊಂದಿಗೆ ಭಾರತ ಭಾರೀ ಹಿನ್ನಡೆಯ ಭೀತಿಯಿಂದ ಪಾರಾಗಿದ್ದು, ಪಂದ್ಯ ರೋಚಕತೆ ಉಳಿಸಿಕೊಂಡಿದೆ.
ಹನುಮ ವಿಹಾರಿ ಮತ್ತು ಜಡೇಜಾ 7ನೇ ವಿಕೆಟ್ಗೆ 77 ರನ್ಗಳ ಜೊತೆಯಾಟ ನಿಭಾಯಿಸಿದರು. 25 ರನ್ ಗಳಿಸಿ ವಿಕೆಟ್ ಉಳಿಸಿಕೊಂಡಿದ್ದ ಹನುಮ ವಿಹಾರಿ 124 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 1 ಸಿಕ್ಸರ್ ಸೇರಿದ 56 ರನ್ ಬಾರಿಸಿ ಚೊಚ್ಚಲ ಪಂದ್ಯದಲ್ಲೇ ಅರ್ಧಶತಕ ಸಿಡಿಸಿದ ಸಾಧನೆಯೊಂದಿಗೆ ನಿರ್ಗಮಿಸಿದರು.
ವಿಹಾರಿ ನಿರ್ಗಮಿಸಿದ ನಂತರ ತಂಡವನ್ನು ಮುನ್ನಡೆಸುವ ಜವಾಬ್ದಾರಿ ಹೊತ್ತ ರವೀಂದ್ರ ಜಡೇಜಾ 156 ಎಸೆತಗಳಲ್ಲಿ 11 ಬೌಂಡರಿ ಹಾಗೂ 1 ಸಿಕ್ಸರ್ ಸಹಾಯದಿಂದ 86 ರನ್ ಬಾರಿಸಿ ಔಟಾಗದೇ ಉಳಿದರು. ಅದರಲ್ಲೂಕೊನೆಯ ವಿಕೆಟ್ಗೆ 32 ರನ್ ಪೇರಿಸಿದರು. ಇದರಲ್ಲಿ ಜಸ್ ಪ್ರೀತ್ ಬುಮ್ರಾ ಪಾಲು 14 ಎಸೆತಗಳಲ್ಲಿ ಶೂನ್ಯ ಆಗಿದ್ದು ವಿಶೇಷ.
- ಸಂಕ್ಷಿಪ್ತ ಸ್ಕೋರ್
- ಇಂಗ್ಲೆಂಡ್ ಮೊದಲ ಇನಿಂಗ್ಸ್ 332
- ಭಾರತ ಮೊದಲ ಇನಿಂಗ್ಸ್ 292 (ಜಡೇಜಾ ಅಜೇಯ 86, ಹನುಮ 56, ಕೊಹ್ಲಿ 49, ಆ್ಯಂಡರ್ಸನ್ 54/2, ಸ್ಟೋಕ್ಸ್ 56/2, ಮೊಯಿನ್ ಅಲಿ 50/2).
