Top

ಭಾರತಕ್ಕೆ ಭಾನುವಾರ ಮೂರು ಬೆಳ್ಳಿ: ದ್ಯುತಿಗೆಡದ ಚಾಂದ್​

ಭಾರತಕ್ಕೆ ಭಾನುವಾರ ಮೂರು ಬೆಳ್ಳಿ: ದ್ಯುತಿಗೆಡದ ಚಾಂದ್​
X

ಆರಂಭದಿಂದ ಅಂತ್ಯದವರೆಗೂ ತೀವ್ರ ಜಿದ್ದಾಜಿದ್ದಿನಿಂದ ಕೂಡಿದ ಏಷ್ಯನ್ ಗೇಮ್ಸ್​ನ ವನಿತೆಯರ 100ಮೀ. ಓಟದ ಸ್ಪರ್ಧೆಯಲ್ಲಿ ಸ್ಪರ್ಧೆಯಲ್ಲಿ ದ್ಯುತಿ ಚಾಂದ್ ಕೂದಲೆಳೆ ಅಂತರದಿಂದ ಚಿನ್ನದ ಪದಕ ಗೆಲ್ಲುವ ಅವಕಾಶ ಕಳೆದುಕೊಂಡರೂ ಬೆಳ್ಳಿ ಪದಕ ಗೆದ್ದು ಗಮನ ಸೆಳೆದರು.

ಏಷ್ಯನ್ ಗೇಮ್ಸ್ ನ 8ನೇ ದಿನವಾದ ದ್ಯುತಿ ಚಾಂದ್ ಬೆಳ್ಳಿ ಪದಕ ಗೆಲ್ಲುವ ಮೂಲಕ ಈ ವಿಭಾಗದಲ್ಲಿ ಭಾರತಕ್ಕೆ 20 ವರ್ಷಗಳ ಪದಕ ತಂದುಕೊಟ್ಟ ಸಾಧನೆ ಮಾಡಿದರು.

ದ್ಯುತ್ ಚಾಂದ್ ತಮ್ಮದೇ ಹೆಸರಿನಲ್ಲಿರುವ ರಾಷ್ಟ್ರೀಯ ದಾಖಲೆ 11.29ಸೆ. ಮುರಿಯಲು ವಿಫಲರಾದರೂ 11.32 ಸೆಕೆಂಡ್​ಗಳಲ್ಲಿ ಗುರಿ ಮುಟ್ಟಿ ಬೆಳ್ಳಿ ಪದಕ ಗೆದ್ದುಕೊಂಡರು.

ಬಹರೇನ್​ನ ಒಡಿಯಾಂಗ್ ಎಡಿಡಾಂಗ್ (11.30ಸೆ.) ಸ್ವರ್ಣ ಪದಕ ಗೆದ್ದರೆ, ಚೀನಾದ ವೀ ಯಾಂಗ್ಲಿ (11.33ಸೆ.) ಕಂಚಿನ ಪದಕಕ್ಕೆ ತೃಪ್ತರಾದರು.

ಟೂರ್ನಿಯ 8ನೇ ದಿನ ಭಾರತ ತಲಾ 3 ಬೆಳ್ಳಿ ಹಾಗೂ 3 ಕಂಚಿನ ಪದಕ ಗೆದ್ದುಕೊಂಡಿತು. ಇದರೊಂದಿಗೆ ಭಾರತ 7 ಚಿನ್ನ, 10 ಬೆಳ್ಳಿ ಹಾಗೂ 19 ಕಂಚು ಸೇರಿದಂತೆ ಒಟ್ಟಾರೆ 36 ಪದಕದೊಂದಿಗೆ 9ನೇ ಸ್ಥಾನ ಪಡೆಯಿತು.

Next Story

RELATED STORIES