Top

ಚೊಚ್ಚಲ ಟೆಸ್ಟ್​ನಲ್ಲೇ ರಿಷಭ್ ವಿಶಿಷ್ಟ ದಾಖಲೆ...!

ಚೊಚ್ಚಲ ಟೆಸ್ಟ್​ನಲ್ಲೇ ರಿಷಭ್ ವಿಶಿಷ್ಟ ದಾಖಲೆ...!
X

ನಾಟಿಂಗ್​ಹ್ಯಾಮ್: ಇಂಗ್ಲೆಂಡ್ ವಿರುದ್ಧದ ಮೂರನೇ ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ ಟೆಸ್ಟ್​ಗೆ ಪಾದರ್ಪಣೆ ಮಾಡಿದ ವಿಕೆಟ್ ಕೀಪರ್ ರಿಷಭ್ ಪಂತ್​ 5 ವಿಕೆಟ್ ಪಡೆಯುವ ಮೂಲಕ ಮೊದಲ ಪಂದ್ಯದಲ್ಲೇ ದಾಖಲೆ ಬರೆದಿದ್ದಾರೆ.

ಮೂರನೇ ಟೆಸ್ಟ್ ಪಂದ್ಯದ 2ನೇ ದಿನವಾದ ಭಾನುವಾರ ಮೊದಲ ಇನಿಂಗ್ಸ್ ಆಡಿದ ಇಂಗ್ಲೆಂಡ್ ತಂಡ ಅಲ್ಪ ಮೊತ್ತಕ್ಕೆ ಆಲೌಟಾಗಿದ್ದು, ವಿಕೆಟ್ ಹಿಂದೆ ರಿಷಭ್ ಪಂತ್​ 5 ವಿಕೆಟ್ ಪಡೆದು ಚೊಚ್ಚಲ ಪಂದ್ಯದಲ್ಲೇ 5 ವಿಕೆಟ್ ಪಡೆದ ಕೆಲವೇ ಆಟಗಾರರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.

ರಿಷಭ್ ಪಂತ್ ಆರಂಭಿಕ ಅಲೆಸ್ಟರ್ ಕುಕ್, ಕೆಟನ್ ಜೆನ್ನಿಂಗ್ಸ್ , ಒಲಿವರ್​ ಪೋಪ್ , ಕ್ರಿಸ್ ವೋಕ್ಸ್ ಮತ್ತು ಆದೀಲ್ ರಶೀದ್ ಕ್ಯಾಚ್ ಹಿಡಿದು ಗಮನ ಸೆಳೆದರು.

ಇದರೊಂದಿಗೆ ರಿಷಬ್ ಪಂತ್ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ 5 ಕ್ಯಾಚ್​ ಹಿಡಿದ ಮೊದಲ ಭಾರತೀಯ ಹಾಗೂ ವಿಶ್ವದ 4ನೇ ವಿಕೆಟ್ ಕೀಪರ್ ಎಂಬ ಗೌರವಕ್ಕೆ ಪಾತ್ರರಾದರು.

ರಿಷಭ್ ಇದಲ್ಲದೇ 30 ವರ್ಷದ ಹಳೆ ದಾಖಲೆಯನ್ನ ಸರಿಗಟ್ಟಿದ್ದರು. ಆಸ್ಟ್ರೇಲಿಯಾದ ಬ್ರಿಯಾನ್ ಟಾಬರ್ (1966ರಲ್ಲಿ ದ.ಆಫ್ರಿಕಾ ವಿರುದ್ಧ ಜೋಹನ್ಸ್ ಬರ್ಗ್​) , ಆಸ್ಟ್ರೇಲಿಯಾದ ಮತ್ತೊರ್ವ ಆಟಗಾರ ಜಾನ್ ಮೆಕ್​ಲೀನ್ (1978) ಚೊಚ್ಚಲ ಟೆಸ್ಟ್ ನಲ್ಲಿ 5 ವಿಕೆಟ್ ಪಡೆದು ಮಿಂಚಿದ್ದರು.

ಇದೀಗ ರಿಷಬ್ ಪಂತ್ ( 20 ವರ್ಷ 319 ದಿನ) ಒಂದೇ ಇನ್ನಿಂಗ್ಸ್ ನಲ್ಲಿ ಐದು ಕ್ಯಾಚ್​ಗಳನ್ನ ಹಿಡಿದ ಅತಿ ಕಿರಿಯ ವಿಕೆಟ್ ಕೀಪರ್ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.

ರಿಷಭ್ 4ನೆ ಕ್ಯಾಚ್ ಹಿಡಿಯುವ ಮೂಲಕ ಚೊಚ್ಚಲ ಪಂದ್ಯದಲ್ಲಿ ನಾಲ್ಕು ಕ್ಯಾಚ್ ಹಿಡಿದಿದ್ದ ಎನ್​.ಎಸ್​. ತಮಹ್ನೆ (ಪಾಕಿಸ್ತಾನ ವಿರುದ್ಧ 1955) ಮತ್ತು ಸಿಟಿ ಪಟ್ನಕರ್ (ನ್ಯೂಜಿಲೆಂಡ್​ ವಿರುದ್ಧ) ಅವರ ದಾಖಲೆ ಸರಿಗಟ್ಟಿದ್ದರು. 1951ರಲ್ಲಿ ಇಂಗ್ಲೆಂಡ್ ವಿರುದ್ಧ ಪಿ.ಜಿ. ಜೋಶಿ 4 ಕ್ಯಾಚ್​ಗಳನ್ನ ಹಿಡಿದರು.

Next Story

RELATED STORIES