Top

ಇಂದು ಟೀಂ ಇಂಡಿಯಾ, ಆಂಗ್ಲರ ನಡುವೆ 3ನೇ ಟಿ20 ಫೈಟ್

ಇಂದು ಟೀಂ ಇಂಡಿಯಾ, ಆಂಗ್ಲರ ನಡುವೆ 3ನೇ ಟಿ20 ಫೈಟ್
X

ಬ್ರಿಸ್ಟಲ್​​: ಗೆಲ್ಲಲೇಬೇಕಾದ ಒತ್ತಡದಲ್ಲಿರುವ ಟೀಂ ಇಂಡಿಯಾ ಇಂದು ಬ್ರಿಸ್ಟಲ್​ನಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡವನ್ನ ಮೂರನೇ ಟಿ20 ಪಂದ್ಯದಲ್ಲಿ ಎದುರಿಸಲಿದೆ.

ಇತಿಹಾಸ ನಿರ್ಮಿಸುತ್ತಾ ಕೊಹ್ಲಿ ಪಡೆ?

ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಸದ್ಯ ಉಭಯ ತಂಡಗಳು ತಲಾ ಒಂದು ಪಂದ್ಯವನ್ನು ಗೆದ್ದು ಸಮಬಲ ಸಾಧಿಸಿದೆ. ಈ ಹಿನ್ನೆಲೆಯಲ್ಲಿ ಇಂದಿನ ಪಂದ್ಯ ಸರಣಿ ಗೆಲುವಿನ ಪಂದ್ಯವಾಗಿದ್ದು ಇಂಗ್ಲೆಂಡ್ ಮೈದಾನದಲ್ಲಿ ಒಂದು ಟಿ20 ಸರಣಿ ಗೆಲ್ಲದ ಭಾರತ ಈ ಸರಣಿ ಗೆದ್ದು ಇತಿಹಾಸ ನಿರ್ಮಿಸುತ್ತದೆಯೇ ಎಂದು ಕಾದು ನೋಡಬೇಕಿದೆ.

ಬ್ರಿಸ್ಟಲ್ ನಲ್ಲಿ ಗೆದ್ದಿತ್ತು ಟೀಂ ಇಂಡಿಯಾ ?

ಬ್ರಿಸ್ಟಲ್​ ಮೈದಾನದಲ್ಲಿ ಟೀಂ ಇಂಡಿಯಾ ಒಂದು ಟಿ20 ಪಂದ್ಯವನ್ನು ಆಡಿಲ್ಲ. ಆದರೆ ನಾಲ್ಕು ಏಕದಿನ ಪಂದ್ಯಗಳನ್ನು ಆಡಿದ್ದು ಅದರಲ್ಲಿ ಮೂರು ಪಂದ್ಯಗಳನ್ನು ಗೆದ್ದಿದ್ದು 1 ಪಂದ್ಯ ರದ್ದಾಗಿತ್ತು. ಇದು ವಿರಾಟ್ ಕೊಹ್ಲಿ ಪಡೆಗೆ ಅದೃಷ್ಟದ ಕ್ರೀಡಾಂಗಣವಾಗಿದ್ದು ಇಂದಿನ ಪಂದ್ಯದಲ್ಲಿ ಗೆದ್ದು ಇತಿಹಾಸ ನಿರ್ಮಿಸುತ್ತಾರಾ ಬ್ಲೂ ಬಾಯ್ಸ್ ಅನ್ನೋದನ್ನ ಕಾದು ನೋಡಬೇಕಿದೆ.

ಸೇಡು ತೀರಿಸಿಕೊಳ್ಳಬೇಕು ಬ್ಲೂ ಬಾಯ್ಸ್

ಮೊದಲ ಟಿ20 ಪಂದ್ಯವನ್ನು ಗೆದ್ದ ಹುಮ್ಮಸ್ಸಿನಲ್ಲಿದ್ದ ಟೀಂ ಇಂಡಿಯಾಗೆ ಎರಡನೇ ಟಿ20 ಪಂದ್ಯದಲ್ಲಿ ಆಂಗ್ಲರು ತಿರುಗೇಟು ನೀಡಿದ್ದರು. ಎರಡನೇ ಪಂದ್ಯದಲ್ಲಿ ಟಾಪ್ ಆರ್ಡರ್ ಬ್ಯಾಟ್ಸ್ ಮನ್ ಗಳು ಕೈಕೊಟ್ಟಿದ್ದರಿಂದ ತಂಡ ಅಲ್ಪಮೊತ್ತಕ್ಕೆ ಆಲೌಟ್ ಆಗಿತ್ತು. ಇಂದಿನ ಪಂದ್ಯದಲ್ಲಿ ಟಾಪ್ ಆರ್ಡರ್ ಬ್ಯಾಟ್ಸ್ ಮನ್ ಗಳು ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಬೇಕಿದೆ. ಆಂಗ್ಲರನ್ನು ಮಣಿಸಲು ಟೀಂ ಇಂಡಿಯಾ ಬೃಹತ್ ಮೊತ್ತದ ಗುರಿ ನೀಡಬೇಕಿದೆ. ಇನ್ನು ಸ್ಪಿನ್ನರ್ ಗಳು ಮೋಡಿ ಮಾಡಬೇಕಿದೆ.

ಚೇತನ್,TV5 ಕನ್ನಡ

Next Story

RELATED STORIES