Top

ಹಾಲಿ ಚಾಂಪಿಯನ್​ ಜರ್ಮನಿ ಔಟ್​: ಕೊರಿಯಾಗೆ `ಹೆಚ್ಚುವರಿ' ಜಯ

ಹಾಲಿ ಚಾಂಪಿಯನ್​ ಜರ್ಮನಿ ಔಟ್​: ಕೊರಿಯಾಗೆ `ಹೆಚ್ಚುವರಿ ಜಯ
X

ಮಾಸ್ಕೊ: ಪಂದ್ಯದ ಕೊನೆಯ ಕ್ಷಣಗಳಲ್ಲಿ ಸತತ ಎರಡು ಗೋಲು ಬಿಟ್ಟುಕೊಟ್ಟ ಹಾಲಿ ಚಾಂಪಿಯನ್ ಜರ್ಮನಿ ತಂಡ ಫಿಫಾ ವಿಶ್ವಕಪ್ ಟೂರ್ನಿಯಿಂದ ಹೊರಬಿದ್ದಿದೆ. ಈ ರೋಚಕ ಗೆಲುವಿನೊಂದಿಗೆ ದಕ್ಷಿಣ ಕೊರಿಯಾ ತಂಡ ಪ್ರೀಕ್ವಾರ್ಟರ್ ಫೈನಲ್​ಗೆ ಲಗ್ಗೆ ಹಾಕಿತು.

ಬುಧವಾರ ನಡೆದ ಎಫ್​ ಗುಂಪಿನ ಅಂತಿಮ ಪಂದ್ಯ ಜರ್ಮನಿ ಪಾಲಿಗೆ ಮಾಡು ಇಲ್ಲವೇ ಮಡಿಯಾಗಿತ್ತು. ಪಂದ್ಯದ ಕೊನೆಯವರೆಗೂ ಉಭಯ ತಂಡಗಳು 0-0ಯಿಂದ ಸಮಬಲ ಹೊಂದಿದ್ದವು. ಆದರೆ ಪಂದ್ಯದ ಕೊನೆಯ ಹೆಚ್ಚುವರಿ 10 ನಿಮಿಷಗಳ ಆಟದಲ್ಲಿ ಜರ್ಮನಿ ಮೈಮರೆತರೆ, ಕೊರಿಯಾ ತಂಡ ಸತತ ಎರಡು ಗೋಲು ಬಾರಿಸಿ ಟೂರ್ನಿಯ ಅತೀ ದೊಡ್ಡ ಆಘಾತ ನೀಡಿತು.

ಕೊರಿಯಾ ಪರ ಕಿಮ್ ಯಂಗ್ ಗೌನ್ (90+2ನೇ ನಿಮಿಷ) ಹಾಗೂ ಸನ್ ಯ್ಯುಂಗ್ ಮಿನ್ (90+6ನೇ ನಿಮಿಷ) ಗೋಲು ಬಾರಿಸಿ ಐತಿಹಾಸಿಕ ಗೆಲುವು ದಾಖಲಿಸಿದರು. ಇದು ಜರ್ಮನಿ ವಿರುದ್ಧ ಕೊರಿಯಾಗೆ ವಿಶ್ವಕಪ್​ನಲ್ಲಿ ದೊರೆತ ಮೊದಲ ಜಯ.

ಜರ್ಮನಿ ಇದೇ ಮೊದಲ ಬಾರಿ ವಿಶ್ವಕಪ್​ನಲ್ಲಿ ಎದುರಾಳಿಗೆ ಸತತ ಗೋಲು ಬಿಟ್ಟಿದ್ದೂ ಅಲ್ಲದೇ ಮೊದಲ ಬಾರಿ ವಿಶ್ವಕಪ್​ನ ಮೊದಲ ಸುತ್ತಿನಲ್ಲೇ ಹೊರಬಿದ್ದ ಅಪಮಾನಕ್ಕೆ ಗುರಿಯಾಯಿತು.

Next Story

RELATED STORIES