ಒಂದೇ ದಿನದಲ್ಲಿ 2 ಬಾರಿ ಆಫ್ಘಾನ್​ ಆಲೌಟ್​: ಭಾರತ ಜಯಭೇರಿ

ಬೆಂಗಳೂರು: ಟೆಸ್ಟ್​ಗೆ ಪಾದರ್ಪಣೆ ಮಾಡಿದ ಪಂದ್ಯದಲ್ಲಿ ಆಫ್ಘಾನಿಸ್ತಾನ ತಂಡ ಒಂದೇ ದಿನದಲ್ಲಿ ಎರಡು ಬಾರಿ ಆಲೌಟಾಗಿ ಹೀನಾಯವಾಗಿ ಸೋಲುಂಡಿದೆ. ಆತಿಥೇಯ ಭಾರತ ತಂಡ ಇನಿಂಗ್ಸ್ ಹಾಗೂ 262 ರನ್​ಗಳ ಭಾರೀ ಅಂತರದಿಂದ ಜಯಭೇರಿ ಬಾರಿಸಿದೆ.

ನಗರದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ 474 ರನ್​ಗಳಿಗೆ ಆಲೌಟಾಗಿತ್ತು. ಎರಡನೇ ದಿನ ಕಣಕ್ಕಿಳಿದ ಆಫ್ಘಾನಿಸ್ತಾನ ಮೊದಲ ಇನಿಂಗ್ಸ್​ನಲ್ಲಿ 109 ರನ್​ಗೆ ಆಲೌಟಾಯಿತು. ಫಾಲೋಆನ್​ಗೆ ಗುರಿಯಾದ ಆಫ್ಘಾನಿಸ್ತಾನ ಎರಡನೇ ಇನಿಂಗ್ಸ್​ನಲ್ಲಿ 103 ರನ್​ಗಳಿಗೆ ಪತನಗೊಂಡಿತು.

ಒಂದೇ ದಿನದಲ್ಲಿ ತಂಡವೊಂದು ಎರಡು ಬಾರಿ ಔಟಾಗಿ ಸೋಲುಂಡ ಕುಖ್ಯಾತಿಗೆ ಆಫ್ಘಾನಿಸ್ತಾನ ಪಾತ್ರವಾಯಿತು. ಭಾರತದ ಬೌಲರ್​ಗಳು ಅತ್ಯುತ್ತಮ ಪ್ರದರ್ಶನದ ಮುಂದೆ ಆಫ್ಘಾನಿಸ್ತಾನ ಬ್ಯಾಟ್ಸ್​ಮನ್​ಗಳು ನೆಲಕಚ್ಚಿ ಆಡಲು ವಿಫಲರಾದರು.

• ಸಂಕ್ಷಿಪ್ತ ಸ್ಕೋರ್​
• ಭಾರತ ಮೊದಲ ಇನಿಂಗ್ಸ್ 474
• ಆಫ್ಘಾನಿಸ್ತಾನ ಮೊದಲ ಇನಿಂಗ್ಸ್ 109
• ಆಫ್ಘಾನಿಸ್ತಾನ ಎರಡನೇ ಇನಿಂಗ್ಸ್ 103 (ಅಶ್ಲಮುಲ್ಲಾಹ್​ ಶಾಹಿದಿ 36, ಅಸ್ಗರ್ ಸ್ಟಾನಿಕಾಜಾ 25, ಜಡೇಜಾ 17/4, ಉಮೇಶ್ ಯಾದವ್ 26/3, ಇಶಾಂತ್ 17/2).
• ಪಂದ್ಯಶ್ರೇಷ್ಠ: ಶಿಖರ್ ಧವನ್​