ಆಫ್ಘನ್​ 109ಕ್ಕೆ ಆಲೌಟ್​: ಭಾರತಕ್ಕೆ 365 ರನ್ ಭಾರೀ ಮುನ್ನಡೆ

ಬೆಂಗಳೂರು: ಅನನುಭವಿ ಬ್ಯಾಟ್ಸ್​ಮನ್​ಗಳು ವಿಕೆಟ್ ಕೈ ಚೆಲ್ಲಿದ್ದರಿಂದ ಆಪ್ಘಾನಿಸ್ತಾನ ಚೊಚ್ಚಲ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್​ನಲ್ಲಿ 109 ರನ್​ಗಳ ಅಲ್ಪ ಮೊತ್ತಕ್ಕೆ ಆಲೌಟಾಗಿದೆ. ಇದರೊಂದಿಗೆ ಆತಿಥೇಯ ಭಾರತ 365 ರನ್​ಗಳ ಭಾರೀ ಮುನ್ನಡೆ ಗಳಿಸಿದೆ.

ನಗರದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದ ಎರಡನೇ ದಿನವಾದ ಶುಕ್ರವಾರ ಭಾರತ ಮೊದಲ ಇನಿಂಗ್ಸ್​ನಲ್ಲಿ ಭಾರತ 474 ರನ್ ಕಲೆ ಹಾಕಿತ್ತು. ಆಫ್ಘಾನಿಸ್ತಾನ ತಂಡ 109 ರನ್​ಗಳಿಗೆ ಆಲೌಟಾಗಿ ಫಾಲೋಆನ್​ಗೆ ಗುರಿಯಾಯಿತು. ಚಹಾ ವಿರಾಮದ ನಂತರ ಆಫ್ಘಾನಿಸ್ತಾನ ಮತ್ತೊಮ್ಮೆ ಬ್ಯಾಟಿಂಗ್​ಗೆ ಇಳಿಯಲಿದೆ.

ಭಾರತದ ಪರ ಅಶ್ವಿನ್ 4 ವಿಕೆಟ್​ ಕಿತ್ತರೆ, ರವೀಂದ್ರ ಜಡೇಜಾ ಮತ್ತು ಇಶಾಂತ್ ಶರ್ಮ ತಲಾ 2 ವಿಕೆಟ್ ಪಡೆದರು. ಆಫ್ಘಾನಿಸ್ತಾನ ಪರ ಮೊಹಮದ್ ನಬಿ 24 ರನ್ ಗಳಿಸಿ ತಂಡದ ಪರ ವೈಯಕ್ತಿಕ ಗರಿಷ್ಠ ಸಾಧನೆ ಮಾಡಿದರು.

• ಸಂಕ್ಷಿಪ್ತ ಸ್ಕೋರ್
• ಭಾರತ ಮೊದಲ ಇನಿಂಗ್ಸ್ 474
• ಆಫ್ಘಾನಿಸ್ತಾನ ಮೊದಲ ಇನಿಂಗ್ಸ್ 27.5 ಓವರ್ 109 (ನಬಿ 24, ಮುಜೀಬ್ 15, ಶಹಜಾದ್ 14, ರಹಮತ್ 11, ಅಶ್ವಿನ್ 27/4, ಜಡೇಜಾ 18/2, ಇಶಾಂತ್ 28/2).