ಅಕ್ಷಯ್‌ಕುಮಾರ್‌ಗೆ ನಾಯಕಿಯಾಗ್ತಾರಾ ಕೃತಿ..?!
ಪ್ರಿಯಾಂಕ ತಳವಾರ, ಟಿವಿ5
ಕನ್ನಡತಿ ಅಲ್ಲದೆ ಇದ್ರೂ ಕನ್ನಡದಲ್ಲಿ ಮಿಂಚು ಹರಿಸಿದ ನಟಿ ಕೃತಿ ಕರಬಂಧ. ಚಿರು ಚಿತ್ರದ ಮೂಲಕ ಕನ್ನಡಕ್ಕೆ ಎಂಟ್ರಿ ಕೊಟ್ಟು ಪರ ಭಾಷೆಗಳ ಚಿತ್ರರಂಗದಲ್ಲೂ ಹೆಸರು ಮಾಡಿದ್ದಾರೆ. ಸೌತ್ ಸಿನಿ ದುನಿಯಾದಿಂದ ಬಾಲಿವುಡ್ಗೆ ಹಾರಿದ ಈ ಚೆಲುವೆ ಇಮ್ರಾನ್ ಹಾಶ್ಮಿ ಜೊತೆ ರಾಝ್ ರೀಬೂಟ್ ಚಿತ್ರದಲ್ಲಿ ನಟಿಸಿದ್ರು.
ಈ ಚಿತ್ರ ಅಷ್ಟಾಗಿ ಹಿಟ್ ಆಗದೇ ಇದ್ರು ಕೂಡ ಬಾಲಿವುಡ್ನಲ್ಲಿ ಈಕೆಗೆ ಡಿಮ್ಯಾಂಡ್ ಕಮ್ಮಿಯಾಗಲಿಲ್ಲ. ಯೆಸ್, ಕೃತಿ ಮತ್ತೊಂದು ಬಾಲಿವುಡ್ನ ದೊಡ್ಡ ಪ್ರಾಜೆಕ್ಟ್ಗೆ ಸಹಿ ಹಾಕಿದ್ದಾರೆ. ಹೌಸ್ಫುಲ್-4 ಭಾಗದಲ್ಲಿ ಕೃತಿ ನಟಿಸಿಲಿದ್ದಾರೆ. ಇನ್ನು ಹೌಸ್ಫುಲ್-4 ಚಿತ್ರದಲ್ಲಿ ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್, ನಟ ಅಭಿಷೇಕ್ ಬಚ್ಚನ್, ರಿತೇಶ್ ದೇಶ್ಮುಖ್, ಬಾಬಿ ಡಿಯೋಲ್ರಂತಹ ಸ್ಟಾರ್ ನಟರ ಜೊತೆ ಕೃತಿ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ.
4 ಜನ ಹೀರೋಗಳು ಅಂದ್ರೆ ಅಲ್ಲಿ 4 ಜನ ಹೀರೋಯಿನ್ಗಳು ಇದ್ದೇ ಇರ್ತಾರೆ. ಆ ನಾಲ್ಕು ಜನ ಹೀರೋನ್ಗಳಲ್ಲಿ ಕೃತಿ ಕೂಡ ಒಬ್ಬರು. ಅಂದ್ಹಾಗೆ ಗೂಗ್ಲಿ ಚೆಲುವೆ ತಮ್ಮ ಎರಡನೇ ಬಾಲಿವುಡ್ ಚಿತ್ರದಲ್ಲಿ ಯಾರ ಜೋಡಿಯಾಗಿ ಕಾಣಿಸಿಕೊಳ್ಳಲ್ಲಿದ್ದಾರೆ ಅಂತ ಕಾದು ನೋಡಬೇಕಿದೆ.
