ರಚಿತಾಗೆ ‘ಐಲವ್ಯು’ ಅಂತಿದ್ದಾರೆ ರಿಯಲ್ ಸ್ಟಾರ್..!
ಪ್ರಜಾಕೀಯ ಶುರುಮಾಡಿ ಹಿನ್ನಡೆ ಅನುಭವಿಸಿದ ಉಪೇಂದ್ರ, ಮತ್ತೆ ಸಿನಿಮಾ ‘ಐ ಲವ್ ಯು’ ಅಂತ ಸಿನಿಮಾರಂಗವನ್ನ ಅಪ್ಪಿಕೊಂಡಿದ್ದಾರೆ. ಇತ್ತೀಚೆಗಷ್ಟೆ ಆರ್. ಚಂದ್ರು ನಿರ್ದೇಶನದಲ್ಲಿ ಉಪೇಂದ್ರ ನಟಿಸ್ತಿರುವ ಐ ಲವ್ ಸಿನಿಮಾ ಸೆಟ್ಟೇರಿದೆ. ಇದೀಗ ಈ ಚಿತ್ರದ ನಾಯಕಿಯಾಗಿ ಡಿಂಪಲ್ ಕ್ವೀನ್ ರಚಿತಾರಾಮ್ ಆಯ್ಕೆಯಾಗಿರೋ ಬ್ರೇಕಿಂಗ್ ನ್ಯೂಸ್ ಸಿಕ್ಕಿದೆ. ಚಿತ್ರದಲ್ಲಿ ನಾಯಕನಷ್ಟೇ ಪ್ರಾಮುಖ್ಯತೆ ಇರೋ ಪಾತ್ರದಲ್ಲಿ ರಚ್ಚು ರಂಗೇರಿಸೋಕೆ ರೆಡಿಯಾಗಿದ್ದಾರೆ.
ಈ ಹಿಂದೆ ರಿಯಲ್ ಸ್ಟಾರ್ ಅಭಿನಯದ ಉಪ್ಪಿ ರುಪ್ಪಿ ಚಿತ್ರಕ್ಕೆ ರಚಿತಾ ನಾಯಕಿಯಾಗಿ ಆಯ್ಕೆಯಾಗಿದ್ದರು. ಕೆಲ ದಿನಗಳ ಶೂಟಿಂಗ್ ನಂತ್ರ ಆ ಚಿತ್ರದ ಕಥೆ ಏನಾಯ್ತು ಅನ್ನೋದು ಗೊತ್ತೇ ಆಗಲಿಲ್ಲ. ಟಾಪ್ ಹೀರೋಗಳ ಜೊತೆ ನಟಿಸುತ್ತಾ ಬರ್ತಿರೋ ರಚಿತಾ ಮತ್ತೊಮ್ಮೆ ಸೂಪರ್ ಸ್ಟಾರ್ಗೆ ಜೋಡಿಯಾಗೋ ಲಕ್ಕಿ ಛಾನ್ಸ್ ಗಿಟ್ಟಿಸಿ ಕೊಂಡಿದ್ದಾರೆ. ನಿರ್ದೇಶಕ ಆರ್, ಚಂದ್ರು ಹೇಳಿರೋ ಕಥೆ ಕೇಳಿ ಥ್ರಿಲ್ ಆಗಿರುವ ಗುಳಿಕೆನ್ನೆ ಚೆಲುವೆ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.
ಐ ಲವ್ ಯು ಚಿತ್ರದಲ್ಲಿ ಉಪ್ಪಿ ಪಾತ್ರದಷ್ಟೇ ರಚಿತಾ ಪಾತ್ರಕ್ಕೂ ಪ್ರಾಮುಖ್ಯತೆ ಇದೆ ಅಂತೆ. ಇನ್ನೂ ಎಲ್ಲಾ ಅಂದುಕೊಂಡಂತೆ ಆಗಿದ್ರೆ, ಆರ್. ಚಂದ್ರು ನಿರ್ದೇಶನದ ಕನಕ ಚಿತ್ರಕ್ಕೆ ರಚಿತಾ ನಾಯಕಿ ಆಗಬೇಕಿತ್ತಂತೆ. ಡೇಟ್ಸ್ ಪ್ರಾಬ್ಲಂನಿಂದ ಆ ಚಿತ್ರದಲ್ಲಿ ನಟಿಸೋಕೆ ಸಾಧ್ಯವಾಗಿರಲಿಲ್ಲ. ಕೊನೆಗೂ ಆರ್. ಚಂದ್ರು ಚಿತ್ರದಲ್ಲಿ ನಟಿಸೋ ಅವಕಾಶ ಅವರ ಪಾಲಾಗಿದ್ದು, ಉಪೇಂದ್ರ ಜೊತೆ ಸ್ಕ್ರೀನ್ ಶೇರ್ ಮಾಡಿಕೊಳ್ಳುವ ಸಂತಸದಲ್ಲಿದ್ದಾರೆ. ಈಗಾಗಲೇ ಐ ಲವ್ ಯು ಚಿತ್ರದ ಪ್ರೀ ಪ್ರೊಡಕ್ಷನ್ ವರ್ಕ್ ಸ್ಟಾರ್ಟ್ ಆಗಿದ್ದು, ಇದೇ ತಿಂಗಳು ಶೂಟಿಂಗ್ ಶುರುವಾಗಲಿದೆ.
