Top

ಡಾ. ಪಾರ್ವತಮ್ಮನವರ ಮೊದಲ ಪುಣ್ಯಸ್ಮರಣೆ

ಡಾ. ಪಾರ್ವತಮ್ಮನವರ ಮೊದಲ ಪುಣ್ಯಸ್ಮರಣೆ
X

[story-lines]

ಸ್ಯಾಂಡಲ್​​ವುಡ್​ನ ಹೆಸರಾಂತ ನಿರ್ಮಾಪಕಿ , ಚಂದನವನದ ನಂದಾದೀಪ ಪಾರ್ವತಮ್ಮ ರಾಜ್​ಕುಮಾರ್ ನಿಧನರಾಗಿ ಇಂದಿಗೆ ಒಂದು ವರ್ಷ. ಪಾರ್ವತಮ್ಮನವ್ರು ದೈಹಿಕವಾಗಿ ಇಹಲೋಕವನ್ನ ತ್ಯಜಿಸಿದ್ರೂ, ಇಂದಿಗೂ ಅವರ ನೆನಪು ಮಾತ್ರ ಅಜರಾಮರ.

ಇಂದು ದೊಡ್ಮನೆಯವ್ರು ಕುಟುಂಬ ಸಮೇತರಾಗಿ ಕಂಠೀರವ ಸ್ಟುಡಿಯೋಗೇ ಆಗಮಿಸಿ, ಪಾರ್ವತಮ್ಮನವ್ರ ಸಮಾಧಿಗೆ ಪೂಜೆ ಸಲ್ಲಿಸಿದ್ರು..ಪುತ್ರರಾದ ಶಿವರಾಜ್​ಕುಮಾರ್, ರಾಘವೇಂದ್ರ ರಾಜ್​ಕುಮಾರ್ , ಪುನೀತ್ ರಾಜ್​ಕುಮಾರ್​ ಪುಣ್ಯಸ್ಮರಣಾ ಕಾರ್ಯದಲ್ಲಿ ಭಾಗವಹಿಸಿದ್ರು.ಇದೇ ಸಂದರ್ಭದಲ್ಲಿ ಪಾರ್ವತಮ್ಮನವರ ಅಭಿಮಾನಿ ಬರಹಗಾರರೊಬ್ಬರು ಬರೆದ ದೊಡ್ಮನೆ ಅಮ್ಮ ಹೆಸರಿನ ಪುಸ್ತಕವನ್ನ ಬಿಡುಗಡೆ ಮಾಡಲಾಯ್ತು..ಹಾಗೂ ಡಾ.ರಾಜ್​ ಅಭಿನಯದ ಕೆರಳಿದ ಸಿಂಹ ಚಿತ್ರದ ಅಮ್ಮ ನೀನು ನಮಗಾಗಿ ಹಾಡನ್ನ ಮೂವರು ಮಕ್ಕಳು ರಿಮಿಕ್ಸ್​ ವರ್ಷನ್​ನಲ್ಲಿ ಹಾಡಿದ್ದು, ಆ ಹಾಡನ್ನ ಕೂಡ ಇಂದು ರಿಲೀಸ್ ಮಾಡಲಾಯ್ತು.

ಇನ್ನು ಪಾವರ್ತಮ್ಮನವ್ರ ಪುಣ್ಯಸ್ಮರಣೆಗೆ ಚಿತ್ರರಂಗದ ಹಲವು ಗಣ್ಯರು ಆಗಮಿಸಿದ್ದು, ನಿರ್ಮಾಪಕ ರಾಕ್​ಲೈನ್​ ವೆಂಕಟೇಶ್, ಹಿರಿಯ ನಟಿ ಸರಿತಾ, ಹಿರಿಯ ನಟ ದೊಡ್ಡಣ್ಣ ಕೂಡ ಸಮಾಧಿಗೆ ಪೂಜೆ ಸಲ್ಲಿಸಿದ್ರು..ಇದೇ ಸಂದರ್ಭದಲ್ಲಿ ಮಾತನಾಡಿದ ರಾಕ್​ಲೈನ್ ವೆಂಕಟೇಶ್ ಮತ್ತು ನಟಿ ಸರಿತಾ ಪಾರ್ವತಮ್ಮನವ್ರನ್ನ ನೆನೆದು ಭಾವುಕರಾದ್ರು.

ಒಟ್ನಲ್ಲಿಸಾಧನೆಯ ಶಿಖರವನ್ನು ಏರಿದ ಪಾರ್ವತಮ್ಮ ರಾಜ್​ಕುಮಾರ್, ಇಹಲೋಕ ತ್ಯಜಿಸಿ ಒಂದು ವರ್ಷ. ಆದ್ರೆ ಅಮ್ಮನ ನೆನಪಿನಲ್ಲೆ ದೊಡ್ಮನೆ ಉಸಿರಾಡುತ್ತಿದ್ದು, ಕನ್ನಡ ಚಿತ್ರರಂಗಕ್ಕೆ ಮಹಾನ್​ ಚೇತನ ಪಾರ್ವತಮ್ಮನವ್ರು ಕೊಟ್ಟ ಕೊಡುಗೆಯನ್ನ ಮರೆಯುವಂತಿಲ್ಲ.

Next Story

RELATED STORIES