ಇಂದಿನಿಂದ ಆರನೇ ಪ್ರೊ ಕಬಡ್ಡಿ ಲೀಗ್​ ಹರಾಜು ಪ್ರಕ್ರಿಯೆ

ಮುಂಬೈ: ಬಹುನಿರೀಕ್ಷಿತ ಆರನೇ ಪ್ರೊ ಕಬಡ್ಡಿ ಲೀಗ್​ನ ಹರಾಜು ಪ್ರಕ್ರಿಯೆ ಇಂದಿನಿಂದ ಆರಂಭವಾಗಿದೆ.

ಹರಾಜಿನಲ್ಲಿ ಒಟ್ಟು 422 ಆಟಗಾರರ ಹೆಸರು ಪ್ರಸ್ತಾಪವಾಗಲಿದೆ. ಇದರಲ್ಲಿ 87 ಆಟಗಾರರು ಫ್ಯುಚರ್​ ಕಬಡ್ಡಿ ಹೀರೋಸ್​ ಕಾರ್ಯಕ್ರಮದಡಿಯಲ್ಲಿ ಬಂದವರಾಗಿದ್ದಾರೆ. 14 ರಾಷ್ಟ್ರಗಳಿಂದ 58 ವಿದೇಶಿ ಆಟಗಾರರಿದ್ದಾರೆ.

ಟೂರ್ನಿಯ 12 ಫ್ರಾಂಚೈಸಿಗಳ ಪೈಕಿ 9 ಫ್ರಾಂಚೈಸಿಗಳು 21 ಆಟಗಾರರನ್ನ ರಿಟೈನ್​ ಮಾಡಿಕೊಂಡಿವೆ. ಇನ್ನುಳಿದ ಮೂರು ಫ್ರಾಂಚೈಸಿಗಳು ಯುಪಿ ಯೋಧ, ಯು ಮುಂಬಾ ಮತ್ತು ಜೈಪುರ ಪಿಂಕ್​ ಪ್ಯಾಂಥರ್ಸ್ ಹೊಸ ಆಟಗಾರರನ್ನ ಖರೀದಿಸಲು ನಿರ್ಧರಿಸಿವೆ. ಆಟಗಾರರನ್ನ ಖರೀದಿಸಲು ಪ್ರತಿ ಫ್ರಾಂಚೈಸಿಗೆ 4 ಕೋಟಿ ರೂಪಾಯಿ ಲಭ್ಯವಿದೆ. ಪ್ರತಿ ಫ್ರಾಂಚೈಸಿ ತಂಡ ಕಟ್ಟು 18ರಿಂದ 25 ಆಟಗಾರರನ್ನ ಖರೀದಿಸಬಹುದಾಗಿದೆ.