Top

ಹಾರೋಕ್ಕೆ ರೆಡಿಯಾಗ್ತಿದೆ ಸಿಂಪಲ್ ಸುನಿ ‘ಬಜಾರ್’ ಪಾರಿವಾಳ

ಹಾರೋಕ್ಕೆ ರೆಡಿಯಾಗ್ತಿದೆ ಸಿಂಪಲ್ ಸುನಿ ‘ಬಜಾರ್’ ಪಾರಿವಾಳ
X

ಸ್ಯಾಂಡಲ್​ವುಡ್​ ಸಿನಿರಂಗಕ್ಕೆ ‘ಆಪರೇಷನ್ ಆಲಮೇಲಮ್ಮ ‘, ‘ಚಮಕ್’ ರೀತಿಯ ಬ್ಯಾಕ್​​ ಟು ಬ್ಯಾಕ್ ಹಿಟ್​​ ಸಿನಿಮಾಗಳನ್ನು ಕೊಟ್ಟಂತಹ ನಿರ್ದೇಶಕ ಸಿಂಪಲ್ ಸುನಿ. ಚಮಕ್ ಸಕ್ಸಸ್ ಗುಂಗಿನಲ್ಲೇ ಬಜಾರ್ ತೆರೆದಿದ್ದ ಸುನಿ ಪಾರಿವಾಳದ ಕಥೆ ಹೇಳೊ ಸುಳಿವು ಕೊಟ್ಟಿದ್ದರು. ಸದ್ದಿಲ್ಲದೇ ಚಿತ್ರದ ಶೂಟಿಂಗ್​​ನಲ್ಲಿ ಮಗ್ನರಾಗಿದ್ದ ಈ ಸಿಂಪಲ್ ಡೈರೆಕ್ಟರ್, ಇದೀಗ ಕೊನೆ ಹಂತದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಕಂಠೀರವ ಸ್ಟುಡಿಯೋದಲ್ಲಿ ಬಜಾರ್ ಚಿತ್ರ ಫೈನಲ್ ಶೆಡ್ಯೂಲ್ ಶೂಟಿಂಗ್ ನಡೀತಿದೆ.

ಪರಿವಾಳ ಸ್ಫರ್ಧೆ ಹಾಗೂ ಜೂಜಾಟದ ಬಗ್ಗೆ ಸಿಂಪಲ್ ಸುನಿ ಸ್ಪೆಷಲ್​ ಸ್ಟೋರಿ ಹೆಣೆದಿದ್ದಾರೆ. ಸಿಂಪಲ್ ಸುನಿ ಬಜಾರ್​​ಗೆ ಹೊಸ ಪ್ರತಿಭೆ ಧನ್ವೀರ್ ಗೌಡ ಹೀರೊ. ಧನ್ವೀರ್​​ಗೆ ಜೋಡಿಯಾಗಿ ಅಧಿತಿ ಪ್ರಭುದೇವ ಬಜಾರ್ ಬಣ್ಣ ಹಚ್ಚಿದ್ದಾರೆ.

ಶೂಟಿಂಗ್​​ಗೂ ಮೊದಲೇ ಟೀಸರ್​​ನಿಂದ ಸದ್ದು ಮಾಡಿದ್ದ ಬಜಾರ್ ಚಿತ್ರದ ಕೊನೆಯ ಹಂತದ ಶೂಟಿಂಗ್​​ ಆಗುತ್ತಿದ್ದು, ನಾಯಕ ನಟನ ಬಾಲ್ಯ ದಿನಗಳನ್ನ ಕಟ್ಟಿಕೊಡ್ತಿದೆ ಚಿತ್ರತಂಡ. ಸಂತೋಷ್​ ರೈ ಪಾತಾಜೆ ಕ್ಯಾಮೆರಾ ಕಣ್ಣಲ್ಲಿ ಬಜಾರ್ ಕಥೆ ಸೆರೆಯಾಗ್ತಿದೆ. ಉಗ್ರಂ ಖ್ಯಾತಿಯ ರವಿ ಬಸ್ರೂರ್ ಸಂಗೀತ ಸಂಯೋಜನೆಯಲ್ಲಿ ಹಾಡುಗಳು ಮೂಡಿಬರಲಿವೆ. ಶೂಟಿಂಗ್​ ನಂತರ ಸಾಕಷ್ಟು ಸಿಜಿ ವರ್ಕ್​​ ಬಾಕಿ ಇದ್ದು ವರಮಹಾಲಕ್ಷ್ಮಿ ಹಬ್ಬಕ್ಕೆ ಚಿತ್ರವನ್ನು ರಿಲೀಸ್ ಮಾಡುವ ಇರಾದೆಯಲ್ಲಿ ಚಿತ್ರತಂಡವಿದೆ.

Next Story

RELATED STORIES