ಪ್ರೇಮ್ಗೆ ಹಾಕಿದ್ದ ಚಾಲೆಂಜ್ ನಲ್ಲಿ ಗೆದ್ದ ಕಿಚ್ಚ
ಸ್ಯಾಂಡಲ್ವುಡ್ನ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ದಿ ವಿಲನ್.ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಮತ್ತು ಕಿಚ್ಚ ಸುದೀಪ್ ಕಾಂಬಿನೇಷನ್ನಲ್ಲಿ ಬರ್ತಿರೋ ಬಹು ನಿರೀಕ್ಷೆಯ ಚಿತ್ರ..ಆದ್ರೆ ಅದ್ಯಾಕೋ ದಿ ವಿಲನ್ ಚಿತ್ರದ ಚಿತ್ರೀಕರಣ ಮಾತ್ರ ಮುಗಿಯೋಕ್ಕೆ ತಯಾರಿಲ್ಲ.ಇದೇ ಗ್ಯಾಪ್ನಲ್ಲಿ ಕಿಚ್ಚ ಸುದೀಪ್ ಅಂಬಿ ನಿಂಗೆ ವಯಸ್ಸಾಯ್ತೋ ಪ್ರಾಜೆಕ್ಟನ್ನ ಕೈಗೆತ್ತಿಕೊಂಡಿದ್ದು ಗೊತ್ತೇಯಿದೆ.
ದಿ ವಿಲನ್ ಸಿನಿಮಾ ಶೂಟಿಂಗ್ ನಡೆಯುವಾಗ ಕಿಚ್ಚ ಸುದೀಪ್ ನಿರ್ದೇಶಕ ಪ್ರೇಮ್ಗೆ ಒಂದು ಮಾತನ್ನ ಹೇಳಿದ್ದರಂತೆ..ದಿ ವಿಲನ್ ಸಿನಿಮಾ ಶೂಟಿಂಗ್ ಮುಗಿಸಿ ಚಿತ್ರ ರಿಲೀಸ್ ಆಗೋದ್ರೊಳಗೆ ಅಂಬಿ ನಿಂಗೆ ಸಿನಿಮಾ ಶೂಟಿಂಗ್ ಕಂಪ್ಲೀಟ್ ಆಗಿ ಚಿತ್ರ ಬಿಡುಗಡೆ ಕೂಡ ಮಾಡಿಬಿಡ್ತಿನಿ ಅಂತ..ಇದು ಕೇವಲ ಪ್ರೇಮ್ ಕಾಲೆಳೆಯೋಕ್ಕೆ ಆಡಿದ ಮಾತಾದರೂ ಇದೀಗ ಕಿಚ್ಚನ ಈ ಮಾತು ಸತ್ಯ ಆಗಿದೆ.
ದಿ ವಿಲನ್ ಸಿನಿಮಾದ ಡಬ್ಬಿಂಗ್ ಕೆಲಸ ಈಗಷ್ಟೇ ಶುರುವಾಗಿದ್ದು, ಈಗಾಗ್ಲೇ ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರದ ಶೂಟಿಂಗ್ ಮುಕ್ತಾಯದ ಹಂತಕ್ಕೆ ಬಂದಿದೆ..ಈ ಬೆಳವಣಿಗೆ ನೋಡ್ತಾ ಇದ್ರೆ, ದಿ.ವಿಲನ್ ಚಿತ್ರಕ್ಕೂ ಮೊದಲೇ ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾನೇ ಮೊದಲು ತೆರೆಗೆ ಬರೋ ಸೂಚನೆ ಸಿಗ್ತಿದೆ.ಹಾಗೇನಾದ್ರೂ ಆದ್ರೆ ಕಿಚ್ಚ ಸವಾಲನ್ನ ಗೆದ್ದಂತಾಗುತ್ತದೆ.ಅಂದ ಹಾಗೇ ದಿ.ವಿಲನ್ ಚಿತ್ರವನ್ನ ನಿರ್ದೇಶಕ ಪ್ರೇಮ್ ವರಮಹಾಲಕ್ಷ್ಮಿ ಹಬ್ಬಕ್ಕೆ ತೆರೆಗೆ ತರೋ ಯೋಚನೆಯಲ್ಲಿದ್ದಾರೆ.
