ಮೊರಾಕ್ಕೊ: ಫಿಫಾ ವಿಶ್ವಕಪ್ ಬಿಡ್ ಗೆ ಸಲಿಂಗಕಾಮವೇ ಅಡ್ಡಿ!

ರಬಾತ್(ಮೊರಾಕ್ಕೊ): 2026ರ ಫಿಫಾ ವಿಶ್ವಕಪ್ ಆಯೋಜಿಸಲು ಉತ್ಸಾಹ ತೋರಿರುವ ಉತ್ತರ ಆಫ್ರಿಕಾದ ಮೊರಾಕ್ಕೊ ಬಿಡ್ ಮಾಡಿದೆ.

ವಿಶ್ವಕಪ್ ಬಿಡ್ ನ ಸಾಮಾರ್ಥ್ಯ ಪರೀಕ್ಷೆಗೆ ಫಿಫಾ ಟಾಸ್ಕ್ ಫೋರ್ಸ್ ಈಗಾಗಲೇ ಮೊರಾಕ್ಕೊಗೆ ತೆರಳಿದ್ದು ಫುಟ್ಬಾಲ್ ನ ಶ್ರೇಷ್ಠ ಟೂರ್ನಿಗೆ ಎದುರಾಗಬಹುದಾದ ಅಪಾಯ ಹಾಗೂ ದೇಶದ ಆರ್ಥಿಕ ಸಾಮರ್ಥ್ಯಗಳನ್ನು ಪರಿಶೀಲನೆ ಮಾಡಲಿದೆ.

ಇದರ ನಡುವೆ ಸಲಿಂಗಕಾಮದ ವಿಚಾರವೇ ಫಿಫಾ ವಿಶ್ವಕಪ್ ಬಿಡ್ ಗೆ ಅಡ್ಡಿಯಾಗುವ ಸಾಧ್ಯತೆಯಿದೆ. ಮೊರಕ್ಕೊ ದೇಶದ ನೀತಿ ಸಂಹಿತೆ 489ರ ಪ್ರಕಾರ, ಸಲಿಂಗಕಾಮ ಅಪರಾಧ. ಇದಕ್ಕಾಗಿ 6 ತಿಂಗಳಿಂದ ಗರಿಷ್ಠ 3 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗುತ್ತದೆ.

ಮೊರಕ್ಕಾದ ಮಾನವ ಹಕ್ಕುಗಳ ಆಯೋಗ ಫಿಫಾಗೆ ಸಲ್ಲಿಸಿರುವ ವರದಿಯಲ್ಲಿ ಸಲಿಂಗಕಾಮದ ಕುರಿತಾಗಿ ಉದ್ದೇಶಪೂರ್ವಕ ಮೌನ ತಾಳಿದೆ. ದೇಶದ ಇದು ಅಪರಾಧ ಎನ್ನುವ ಸಂಗತಿ ಅವರಿಗೂ ತಿಳಿದಿದೆ ಎಂದು ಅಧ್ಯಕ್ಷ ಅಹ್ಮದ್ ಎಲ್ ಹೈಜಿ ಹೇಳಿದ್ದಾರೆ.